بی آر ٹی پشاور دنیا کے 3 بہترین سفری منصوبوں میں سے ایک قرار

بی آر ٹی پشاور کو بین الاقوامی سسٹینبل ٹرانسپورٹ ایوارڈ کا اعزازی تذکرہ حاصل ہوگیا۔

ویب ڈیسک February 10, 2022

بی آر ٹی پشاور کو بین الاقوامی سسٹینبل ٹرانسپورٹ ایوارڈ کا اعزازی تذکرہ حاصل ہوگیا۔

بی آر ٹی پشاور کو بین الاقوامی سسٹینبل ٹرانسپورٹ ایوارڈ کا اعزازی تذکرہ حاصل ہوگیا۔

ترجمان ٹرانس پشاور محمد عمیر خان نے بتایا کہ بی آر ٹی پشاور کو عالمی سطح پر دنیا کے 3 بہترین سفری منصوبوں میں سے ایک قرار دے دیا گیا۔ عالمی ٹرانسپورٹ ادارے آئی ٹی ڈی پی کی جانب سے باقاعدہ وڈیو تقریب منعقد کی گئی جس میں 38 سے زائد ممالک شریک تھے۔

منعقد کردہ تقریب میں صوبائی وزیر خزانہ و صحت تیمور سلیم جھگڑا نے وڈیو پیغام سے شرکت کی، انہوں نے آئی ٹی ڈی پی کی جانب سے بی آر ٹی پشاور کو منتخب کرنے پر تمام بین الاقوامی عہدیدارن کا شکریہ ادا کیا۔

پشاور بی آر ٹی کو بین الاقوامی سسٹینبل ٹرانسپورٹ ایوارڈ کا اعزازی تذکرہ حاصل ہوگیا۔ بی آر ٹی پشاور عالمی سطح پر دنیا کی 3 بہترین سفری منصوبوں میں سے ایک قرار۔ pic.twitter.com/8oF7abcC4v
— PTI (@PTIofficial) February 10, 2022

صوبائی وزیر خزانہ نے کہا کہ بی آر ٹی پشاور کی کامیابی وزیراعظم پاکستان اور حکومت خیبر پختون خوا کے عوامی ویژن کی عکاسی ہے، بی آر ٹی پشاور کے قیام سے شہر میں جدید سفری سہولت کے ساتھ ماحول میں بہتری اور ٹریفک مسائل میں کمی آئی۔

ترجمان ٹرانس پشاور محمد عمیر خان کے مطابق بی آر ٹی پشاور کو ماحول، مسافر دوست اور ہر مکتبہ فکر کے لوگوں کو آسان اور بہترین سفری سہولت دینے پر اعزاز دیا گیا، بی آر ٹی پشاور کو اعزاز ملنا پورے پاکستان کیلئے اعزاز ہے۔