حقائق عمران خان کے کھوکھلے لیکچروں کا منہ چڑا رہے ہیں شہبازشریف

عمران خان کا اخلاقیات پر درس کرپشن، ریکارڈ خساروں، بے روزگاری اور تاریخی نااہلی چھپانے کی کوشش ہے، شہبازشریف (فائل فوٹو)

---

WUHAN: قومی اسمبلی میں اپوزیشن لیڈر اور مسلم لیگ (ن) کے صدر شہباز شریف کا کہنا ہے کہ حقائق عمران خان کے کھوکھلے لیکچروں کا منہ چڑا رہے ہیں۔

وزیراعظم عمران خان کی جانب سے 10 بہترین وزارتوں کے وزرا اور مشیروں کے لئے تعریفی اسناد دینے پر سماجی رابطے کی ویب سائٹ ٹویٹر پر اپنی ٹویٹ میں ردعمل کا اظہار کرتے ہوئے اپوزیشن لیڈر شہبازشریف کا کہنا تھا کہ حقائق عمران خان کے کھوکھلے لیکچروں کا منہ چڑا رہے ہیں۔

حقائق عمران خان کے کھوکھلے لیکچروں کا منہ چڑا رہے ہیں۔ ان کے اخلاقیات پر درس اپنی حکومت کی تاریخی کرپشن (ٹرانسپرنسی انٹرنیشنل کی رپورٹ کی فرد جرم یاد کریں)، ریکارڈ خساروں ،بے روزگاری اور تاریخی نااہلی چھپانے کی کوشش ہے۔ وہ کسی کو بے وقوف نہیں بنا سکتے۔

— Shehbaz Sharif (@CMShehbaz) February 10, 2022

ٹرانسپرنسی انٹرنیشنل کی رپورٹ کا حوالہ دیتے ہوئے اپوزیشن لیڈر شہبازشریف کا کہنا تھا کہ عمران خان کا اخلاقیات پر درس اپنی حکومت کی تاریخی کرپشن، ریکارڈ خساروں ، بے روزگاری اور تاریخی نااہلی چھپانے کی کوشش ہے، لیکن وہ کسی کو بے وقوف نہیں بنا سکتے۔