علی محمد خان کا بہترین کارکردگی ایوارڈ نہ ملنے پر دبے لفظوں میں دوبارہ احتجاج

کارکردگی میں بھی بارہویں نمبر پر آیا ہوں، ویسے بھی بارہواں کھلاڑی ہوں، وزیر پارلیمانی امور

---

LONDON: وزیر پارلیمانی امور علی محمد خان نے وزیر اعظم کی جانب سے بہترین کارکردگی کا ایوارڈ نہ ملنے پر دبے لفظوں میں دوبارہ احتجاج کیا۔

چیئرمین صادق سنجرانی کی زیرصدارت سینیٹ اجلاس ہوا جس میں سوال کے جواب میں علی محمد خان نے کہا کہ بارہواں کھلاڑی بھی یہاں موجود ہے جواب دینے کیلئے، کارکردگی میں بھی بارہویں نمبر پر آیا ہوں، ویسے بھی بارہواں کھلاڑی ہوں، جس سوال کا بھی جواب دوں ، بارہواں کھلاڑی ہوں بارہواں ہی رہوں گا۔

یہ بھی پڑھیں: جو وزرا ذمہ داریاں ادا نہیں کرتے وہ ایوارڈ کے حق دار ٹھہرتے ہیں، علی محمد خان

گزشتہ روز بھی وزیر مملکت برائے پارلیمانی امور علی محمد خان نے کہا تھا کہ جو وزرا اپنی ذمہ داریاں ادا نہیں کرتے، ایوارڈ کے حق دار ٹھہرتے ہیں۔