کراچی میں سرجانی ٹاؤن سے 4 افراد کی تشدد زدہ لاشیں برآمد

لاشوں کو پوسٹ مارٹم کے لئے عباسی شہید اسپتال منتقل کیا گیا۔ پولیس۔ فوٹو؛ فائل

---

ناردرن بائی پاس پر سرجانی ٹاؤن کے قریب سے 4 افراد کی تشدد زدہ لاشیں برآمد ہوئی ہیں۔

پولیس حکام کا کہنا ہے کہ ناردرن بائی پاس پر سرجانی ٹاؤن میں زیرو پوائنٹ سے 4 افراد کی تشدد زدہ لاشیں برآمد ہوئی ہیں، چاروں افراد کے ہاتھ پاؤں بندھے ہوئے تھے جنھیں گولیاں مار کر ہلاک کیا گیا تھا۔ مرنے والوں میں سے 3 افراد کی شناخت سمیع اللہ، عبدالحفیظ اور نور فیصل کے ناموں سے ہوئی ہے۔

پولیس حکام کا لاشوں کو پوسٹ مارٹم کے لئے عباسی شہید اسپتال منتقل کر دیا ہے تاہم واقعے کی مکمل تحقیقات کے بعد ہی کوئی حتمی بیان جاری کیا جا سکے گا۔