کراچی پولیس چیف کا عہدہ ایک مرتبہ پھرغلام نبی میمن کے حوالے کردیا گیا

نوٹی فکیشن کے مطابق ایڈیشنل آئی جی ریسرچ اینڈ ڈیولپمنٹ جاوید اختر اوڈھو کو ایڈیشنل آئی جی اسپیشل برانچ کی ذمے داریاں تفویض کردی گئی ہیں۔—فائل فوٹو

---

FAISLABAD: کراچی پولیس چیف کا عہدہ ایک مرتبہ پھر غلام نبی میمن کے حوالے کردیا گیا جبکہ عمران یعقوب منہاس اب ایڈیشنل آئی جی سی ٹی ڈی کی ذمے داریاں سنبھالیں گے۔

اس سلسلے میں نوٹی فکیشن بھی جاری کردیا گیا جس کے مطابق ایڈیشنل آئی جی کراچی عمران یعقوب منہاس کو کراچی پولیس چیف کے عہدے سے ہٹا کر ایڈیشنل آئی جی سی ٹی ڈی تعینات کردیا گیا۔

نوٹی فکیشن کے مطابق ایڈیشنل آئی جی اسپیشل برانچ غلام نبی میمن کو کراچی پولیس چیف کا عہدہ ایک مرتبہ پھر سونپ دیا۔ خیال رہے کہ وہ اس سے قبل بھی کراچی پولیس کے چیف رہ چکے ہیں۔

نوٹی فکیشن کے مطابق ایڈیشنل آئی جی ریسرچ اینڈ ڈیولپمنٹ جاوید اختر اوڈھو کو ایڈیشنل آئی جی اسپیشل برانچ کی ذمے داریاں تفویض کردی گئی ہیں۔