عامر لیاقت کو ’چوتھی شادی‘ کی اجازت دے دی ہے سیدہ دانیہ شاہ

یہ میرا حق نہیں ہے کہ میں ان کو مزید شادیاں کرنے سے روکوں، سیدہ دانیہ شاہ

ویب ڈیسک February 12, 2022

مارننگ شو میں شرکت کا ایک مختصر کلپ سوشل میڈیا پر وائرل ہورہا فوٹواسکرین گریب

پاکستان تحریک انصاف کے رہنما اور رکن پارلیمنٹ عامر لیاقت حسین کی تیسری اہلیہ سیدہ دانیہ شاہ نے کہا ہے کہ انہوں نے اپنے شوہر کو چوتھی شادی کی اجازت دے دی ہے۔

عامر لیاقت اپنی تیسری اہلیہ سیدہ دانیہ شاہ کے ہمراہ حال ہی میں ایک نجی چینل کے مارننگ شو میں شریک ہوئے۔ مارننگ شو کا ایک مختصر کلپ سوشل میڈیا پر وائرل ہورہا ہے جس میں ان کی نئی بیگم عامر لیاقت کی چوتھی شادی کے بارے میں بات کرتی ہوئی نظر آرہی ہیں۔

یہ بھی پڑھیں: عامر لیاقت حسین نے 18 سالہ لڑکی سے تیسری شادی کرلی

ویڈیو میں دیکھا جاسکتا ہے کہ سیدہ دانیہ شاہ میزبان سے کہتی ہیں میں نے 'ان' کو یہ بھی اجازت دی ہوئی ہے کہ اگر آپ نے شادی کرنی ہے تو کرلیں۔ جس پر میزبان حیرانی سے پوچھتے ہیں کیا آپ نے عامر لیاقت کو چوتھی شادی کی اجازت دے دی ہے جس پر دانیہ کہتی ہیں ہاں۔

View this post on Instagram

A post shared by Niche Lifestyle (@nichelifestyle)

دانیہ شاہ مزید کہتی ہے کیونکہ یہ میرا حق نہیں ہے کہ میں ان کو مزید شادیاں کرنے سے روکوں، ان کی اپنی مرضی ہے یہ کریں نا کریں۔ اگر میں ان کو پیار دوں گی تو یہ میری طرف رہیں گے اگر نہیں دوں گی تو یہ مزید شادی کرلیں گے۔

یہ بھی پڑھیں: والد کی تیسری شادی پر عامر لیاقت کی بیٹی دعا کا ردعمل

واضح رہے کہ عامر لیاقت نے 10 فروری کو سوشل میڈیا پر اپنے سے 31 سال چھوٹی ٹک ٹاکر سیدہ دانیہ شاہ کے ساتھ تیسری شادی کا اعلان کیا تھا۔ عامر لیاقت پہلے سے شادی شدہ ہیں انہوں نے اپنی پہلی بیوی سیدہ بشریٰ اقبال کو طلاق دے دی تھی جب کہ ان کی دوسری اہلیہ سیدہ طوبیٰ انور نے ان سے 9 فروری کو خلع لینے کی تصدیق کی تھی۔