لاہور میں کالج طالبات کو ہراساں کرنے والا وین ڈرائیور گرفتار

وین ڈرائیور نے سیکنڈ ائیر کی طالبات کو ہراساں کیا اور چھیڑخانی کی

---

کراچی: مسلم ٹاؤن پولیس نے کارروائی کرتے ہوئے کالج کی طالبات کو ہراساں کرنے والے وین ڈرائیور کو گرفتار کرلیا۔

نجی کالج کے وین ڈرائیور ملزم رمضان کے خلاف مسلم ٹاؤن پولیس کو درخواست موصول ہوئی، جس پر ایس پی اقبال ٹاؤن اخلاق اللہ تارڑ نے فوری گرفتاری کی ہدایت کی۔

ایس پی اقبال ٹاؤن نے کہا کہ وین ڈرائیور نے سیکنڈ ائیر کی طالبات کو ہراساں کیا اور چھیڑخانی کی، ملزم کے خلاف مقدمہ درج کرکے حوالات میں بند کردیا گیا۔

ملزم کی گرفتاری پر ایس پی اقبال ٹاؤن نے مسلم ٹاؤن پولیس کو شاباش دیتے ہوئے کہا کہ طلباء، خواتین اور بچوں کو ہراساں و زیادتی کرنے والوں کے خلاف سخت قانونی کارروائی عمل میں لائی جائے گی۔