لاہور قلندرز نے کوئٹہ گلیڈی ایٹرز کو شکست دے دی

کامران غلام 55 رنز کے ساتھ ناٹ آؤٹ رہے جبکہ فخر زمان نے 53 رنز کی شاندار اننگز کھیلی (فوٹو ٹویٹر)

---

پاکستان سپرلیگ کے 20ویں میچ میں لاہور قلندرز نے کوئٹہ گلیڈی ایٹرز کو 8 وکٹوں سے بآسانی شکست دے دی۔

لاہور کے قذافی اسٹیڈیم میں لاہور قلندرز اور کوئٹہ گلیڈی ایٹرز کے درمیان میچ کھیلا گیا، جس میں قلندرز نے ٹاس جیت کر گلیڈی ایٹرز کو پہلے بیٹنگ کی دعوت دی۔

کوئٹہ گلیڈی ایٹرز اننگز

کوئٹہ گلیڈی ایٹرز کی اننگز کا آغاز اچھا نہ رہا کیونکہ لاہور قلندرز کے کپتان شاہین شاہ آفریدی نے جیسن رائے اور جیمز وینس کو پہلے ہی اوور میں پویلین لوٹنے پر مجبور کیا، بعد ازاں کپتان سرفراز اور احسان علی نے وکٹ پر آکر کھیلنے کی کوشش کی تو 20 کے مجموعی اسکور پر سرفراز احمد رن آؤٹ ہوگئے، جس کے بعد احسان علی بھی 25 پر پویلین لوٹے۔

TEZZZ throw! @SarfarazA_54 couldn't get in. #HBLPSL7 I #LevelHai I #LQvQG pic.twitter.com/Qotv8pQRgt

- PakistanSuperLeague (@thePSLt20) February 13, 2022

عمر اکمل اور افتخار احمد نے بیٹنگ لائن کو سنبھالنے کی کوشش کی تو 25 کے انفرادی اور 54 کے مجموعی اسکور پر اکمل بھی آؤٹ ہوگئے، پھر افتخار احمد نے ذمہ دارانہ بیٹنگ کرتے ہوئے کھیل کو آگے بڑھایا جبکہ حسان خان نے اس دوران اُن کا خوب ساتھ دیا، پھر حسان خان 17 رنز بنا کر 106 کے مجموعی اسکور پر آؤٹ ہوئے۔

اس کے بعد افتخار احمد 39 گیندوں پر 3 چھکوں اور دو چوکوں کی مدد سے شاندار بیٹنگ کر کے 52 رنز بنا کر 124 کے مجموعی اسکور پر آؤٹ ہوئے۔

Lahore put on a show for the home crowd and restrict Quetta to 141.
What are your predictions considering this total? #HBLPSL7 l #LevelHai l #LQvQG pic.twitter.com/wbkwzwseCV

- PakistanSuperLeague (@thePSLt20) February 13, 2022

بعد ازاں سہیل تنویر اور نور احمد نے محتاط انداز سے بیٹنگ کرتے ہوئے اسکور کو 141 رنز تک پہنچایا۔ کوئٹہ گلیڈی ایٹرز نے مقررہ اوورز میں 7 وکٹوں کے نقصان پر 141 رنز بنائے، افتخار احمد 52 رنز کے ساتھ نمایاں بلے باز رہے. لاہور قلندرز کے شاہین آفریدی اور ڈیوڈ ویزے نے دو دو جبکہ راشد خان اور حارث رؤف نے ایک ایک وکٹ حاصل کی۔

لاہور قلندرز اننگز

142 رنز ہدف کے تعاقب میں لاہور قلندرز کی جانب سے فخر زمان اور عبداللہ شفیق نے اننگز کا آغاز کیا تو 41 کے مجموعی اسکور پر عبداللہ شفیق غلام مدثر کی گیند پر کیچ آؤٹ ہوئے، اس کے بعد کامران غلام وکٹ پر آئے اور انہوں نے فخر زمان کا بھرپور ساتھ دیا۔

بعد ازاں 118 کے مجموعی اسکور پر فخر زمان 53 رنز کی شاندار اننگز کھیل کر آؤٹ ہوئے۔ لاہور قلندرز نے 142 رنز کا ہدف 17.4 اوور میں دو وکٹوں کے نقصان پر حاصل کیا۔ کامران غلام 55 رنز ناٹ آؤٹ اور فخر زمان 53 رنز کے ساتھ نمایاں بلے باز رہے جبکہ گلیڈی ایٹرز کے نور احمد اور غلام مدثر نے ایک ایک وکٹ حاصل کی۔

اس سے قبل لاہور کے کپتان شاہین شاہ آفریدی نے ٹاس جیت کر پہلے فیلڈنگ کا فیصلہ کیا اور کوئٹہ گلیڈی ایٹرز کو بیٹنگ کی دعوت دی۔

ٹاس کے بعد گفتگو کرتے ہوئے شاہین آفریدی نے بتایا کہ لاہور قلندرز میں کوئی تبدیلی نہیں کی گئی جبکہ گلیڈی ایٹرز کے کپتان نے بتایا کہ کوئٹہ کی ٹیم میں دو تبدیلیاں کی گئیں ہیں، شاہد آفریدی اور جیمز فالکنر کی جگہ پلیئنگ الیون میں سہیل تنویر اور حسان خان کو شامل کیا گیا ہے۔

Shaheen has won the toss for @lahoreqalandars and put @TeamQuetta to bat first. Here we go! #HBLPSL7 l #LevelHai l #LevelHai pic.twitter.com/NipKMSbQKO

- PakistanSuperLeague (@thePSLt20) February 13, 2022

واضح رہے کہ ایک روز قبل کوئٹہ گلیڈی ایٹرز نے سرفراز احمد کی قائدانہ بیٹنگ کی بدولت پشاور زلمی کو سنسنی خیز مقابلے کے بعد 5 وکٹوں سے شکست دے کر شاندار کم بیک کیا تھا۔