بلوچستان سے کراچی آنیوالی ایمبولینس سے25 کلو چرس برآمد

عمدہ کارگردگی دکھانے پرپولیس پارٹی کوانعام دیاجائے گا،ایس ایس پی فوٹو : فائل

---

موچکو پولیس نے بلوچستان سے کراچی آنے والی ایمبولینس میں25 کلو چرس کی اسمگلنگ ناکام بناکرڈرائیورکو گرفتارکرلیا۔

موچکو پولیس نے حب ریور روڈ موچکو پر اوتھل بلوچستان سے آنے والی ہائی ایس ایمبولنس798-LES شہبازویلفیئر ایسوسی ایشن پنجاب کو روک کر چیک کیا توایمبولنس کی پچھلی سیٹوں کے ساتھ اسٹریچر کے نیچے خفیہ خانوں سے 25 کلو چرس کے 20 پیکٹ برآمد ہوئے۔

پولیس نے ملزم ڈرائیور سلیم ولد محمد امین کو گرفتارکرکے ملزم کے خلاف مقدمہ الزام61/2022 بجرم دفعہ 15/ 6/9-C نارکوٹکس ایکٹ کے تحت درج کرلیا، ملزم کاسابقہ ریکارڈ چیک کیاجارہاہے،ملزم سے مزید تفتیش جاری ہے۔

ایس ایس پی نے پولیس پارٹی کی کارگردگی پرانعام کااعلان کیا ہے۔