لاہور: لاہور میں دو گروہوں کے درمیان دیوار کی تعمیر کے تنازع پر جھگڑا کے دوران ایک شخص جاں بحق اور متعدد دیگر زخمی ہو گئے۔

واقعہ صوبائی دارالحکومت کے فیکٹری ایریا میں پیش آیا۔ تصادم کی اطلاع ملتے ہی ایس پی کنٹونمنٹ عیسیٰ سکھیرا سمیت قانون نافذ کرنے والے اداروں کا ایک دستہ جائے وقوع پر پہنچ گیا۔

اطلاعات کے مطابق جھگڑے میں بعض افراد زیادہ زخمی ہیں۔ سی سی پی او نے بھی واقعہ کا نوٹس لے لیا جبکہ پولیس نے صورتحال پر قابو پا لیا اور ایک شخص کو گرفتار کر لیا گیا۔