اسٹیٹ بنک کی طرف سے ملک کے پہلے ڈیجیٹل پیمنٹ سسٹم راست کا اجراء

راست پروگرام شہریوں، کاروبار اور حکومتی اداروں کے مابین رقوم کی ترسیل و ادائیگی کیلئے بنایا گیا ڈیجیٹل پلیٹ فارم ہے۔

---

لاہور: وزیرِاعظم عمران خان نے اسٹیٹ بنک کی طرف سے ملک کے پہلے ڈیجیٹل پیمنٹ سسٹم "راست" کا اجراء کردیا۔

راست پروگرام اسٹیٹ بنک آف پاکستان کی طرف سے شہریوں، کاروبار اور حکومتی اداروں کے مابین رقوم کی ترسیل و ادائیگی کیلئے بنایا گیا ڈیجیٹل پلیٹ فارم ہے۔

راست کے تحت کم مالیت کی ریٹیل ادائیگیاں اور رقوم کی منتقلی ڈیجیٹل طریقے سے تیز اور سہل ہوں گی۔ یہ مختلف مالیاتی اداروں کو وقت کی بچت کے ساتھ کم لاگت سے مرکزی سسٹم تک رسائی و رابط قائم کرنے میں بھی مددگار ثابت ہوگا۔

وزیراعظم عمران خان آج سٹیٹ بینک کی جانب سے تیار کیے گئے پاکستان کے پہلے instant payment سسٹم "راست"کا اجراء کریں گے۔
اس پروگرام کا مقصد لوگوں کے درمیان ڈیجٹل ادائیگیوں کو آسان بنانا ہے۔
راست کے تحت صارفین موبائل ایپلیکیشن کے ذریعے اپنے اکاؤنٹس میں رقوم بھیج اور وصول کر سکیں گے۔ pic.twitter.com/81kbhhKYHS

— PTI (@PTIofficial) February 15, 2022

گزشتہ سال راست کے کاروبار و سرمایہ کاری کی سطح پر اجراء اور کامیابی کے بعد اس کا عام آدمی کی سہولت کیلئے شہریوں کی سطح پر اجراء کیا جا رہا ہے۔ راست کے اجراء سے عام آدمی کی بنکنگ چینلز اور الیکٹرانک ٹرانزیکشنز تک رسائی فوری اور آسان ہوگی۔