لاہورکے جنرل اسپتال میں جدید ٹیکنالوجی کے ذریعے گلہڑ کا کیمرے کی مدد سے جلد پر بغیرکٹ لگائے کامیاب آپریشن کردیا گیا۔

لاہورجنرل اسپتال کے ہیڈ آف دی سرجری ڈیپارٹمنٹ پروفیسر فاروق افضل کی سربراہی میں ٹیم نے پیچیدہ آپریشن کیا۔

پروفیسر فاروق افضل کا کہنا تھا کہ اس طریقہ کارسے آپریشن کے دوران گردن پر ٹانکوں کا زخم نہیں ہوتا اورمریض کو کئی روز تک اسپتال میں نہیں رہنا پڑتا۔

اوکاڑہ سے تعلق رکھنے والی آمنہ شفقت اورحافظ کی رہائشی ناہید کے کامیاب آپریشن کے بعد لاہورجنرل اسپتال جدید طریقے سے آپریشن کرنے والا پاکستان کا پہلا سرکاری اسپتال بن گیا ہے۔