بیوہ خاتون کو نوکری کا جھانسہ دے کر زیادتی کرنے والا ملزم گرفتار

ملزم ناصر خان نے نوکری کا جھانسہ دے کر ہوٹل لےجاکر زیادتی کا نشانہ بنایا، متاثرہ خاتون۔ فوٹو:ایکسپریس

---

ISLAMABAD: پولیس نے بیوہ خاتون کو نوکری کا جھانسہ دے کر زیادتی کرنے والا ملزم گرفتار کرلیا۔

ایکسپریس نیوز کے مطابق راولپنڈی کے علاقے نصیرآباد میں پولیس نے کارروائی کرتے ہوئے گھروں میں کام کرنے والی بیوہ خاتون کو نوکری کا جھانسہ دے کر زیادتی کرنے والا ملزم گرفتار کرلیا۔

ایس ایچ او تھانہ نصیر آباد کے مطابق متاثرہ خاتون کی درخواست پرمقدمہ درج کرکے ملزم کو گرفتار کیا گیا۔ خاتون کے بیان کے مطابق ملزم ناصر خان نے نوکری کا جھانسہ دے کر ہوٹل لےجاکر زیادتی کا نشانہ بنایا۔

ایس پی پوٹھوہار رانا عبدالوہاب کا کہنا تھا کہ میرٹ پر تفتیش کرتے ہوئے مقدمہ کو پیش کیا جائے گا، ملزم کو ٹھوس شواہد کے ساتھ چالان کرکے عدالت سے سخت سے سخت سزا دلوائی جائے گی، خواتین اور بچوں کے ساتھ زیادتی اور ان کا استحصال نا قابل برداشت ہے۔