کوئٹہ میں پولیس کا احتجاج کرنیوالے میڈیکل طلبا پر تشدد ریڈ زون میں داخلہ روک دیا

پولیس نے احتجاج کرنے والے میڈیکل کے طلبا کو ریڈ زون میں داخلے سے روک دیا اور تشدد کیا جس پر طلبا نے کمشنر آفس کے سامنے دھرنا دے دیا۔


ایکسپریس نیوز کے مطابق کوئٹہ میں میڈیکل کے طلبا نے اپنے مطالبات کے حق میں بھوک ہڑتال کی ہوئی ہے، دیگر طلبا بھوک ہڑتال پر بیٹھے اپنے ساتھی طلبا کو اسٹیچرز سمیت ریڈزون لے جانا چاہتے تھےکہ پولیس نے انہیں روک دیا اور ان پر تشدد کیا۔

مظاہرین نے پولیس اور انتظامیہ کے خلاف شدید نعرے بازی بھی کی اور کمشنر آفس کے سامنے دھرنا دے کر بیٹھ گئے۔ مظاہرین کو روکنے کے لیے پولیس کی مزید نفری پہنچ گئی اور دونوں جانب سے کھنیچا تانی شروع ہوگئی۔ تاحال طلبا کا احتجاج جاری ہے۔