لاہور: ہزاروں لگژری گاڑیوں سے لدے کارگوبحری جہاز میں آگ لگ گئی۔

امریکی میڈیا کے مطابق ہزاروں قیمتی گاڑیاں جرمنی سے امریکا لے جانے والے بحری جہاز میں آگ لگ گئی۔ جہاز بحراقیانوس میں سفرکررہا تھا۔

جہازپرموجود عملے کے 22 ارکان کوپرتگال کی بحریہ نے بحفاظت نکال لیا۔ آگ لگنے کی وجوہات کا علم نہیں ہوسکا۔

پرتگال کی بحریہ کا کہنا ہے کہ جہاز پرلگی آگ پرقابو نہیں پایا جاسکا ہے تاہم پٹرول جہاز متاثرہ جہاز کے قریب موجود ہے اورصورتحال کا جائزہ لے رہا ہے۔

آگ کے باعث جہاز پرموجود گاڑیوں کوکتنا نقصان پہنچا اس بارے میں تفصیل معلوم نہیں ہوسکی۔