پیٹرول کی بڑھتی قیمتوں پر نور بخاری کا حکومت پر طنز

حکومت نے حال ہی میں پیٹرول کی قیمت میں 12 روپے 3 پیسے کا اضافہ کیا ہے فوٹوفائل

---

کراچی: سابق اداکارہ نور بخاری نے ملک میں پیٹرول کی بڑھتی قیمتوں پر حکومت پر طنز کیا ہے۔

ملک میں پیٹرول کی قیمتوں میں اضافے نے جہاں عوام کو تشویش میں مبتلا کردیا ہے وہیں فنکار بھی حکومت پر طنز کرتے ہوئے نظر آرہے ہیں۔

سابق اداکارہ نور بخاری نے پیٹرول کی قیمت میں اضافے کے پیش نظر حکومت پر طنز کیا ہے۔ انہوں نے انسٹاگرام اسٹوری پر تانگے کی تصویر شیئر کراتے ہوئے لکھا کہ پیٹرول کی بڑھتی قیمتوں کی وجہ سے ہم سب کو ایک اچھے تانگے میں سرمایہ کاری کرنی چاہئے۔

یہ بھی پڑھیں: پیٹرول کی فی لیٹر قیمت میں 12 روپے تین پیسے اضافہ



صرف نور بخاری نے ہی نہیں بلکہ یوٹیوبر اور اداکار ارسلان نصیر نے بھی ملک میں پیٹرول کی قیمتوں میں اضافے کے پیش نظر حکومت پر طنز کرتے ہوئے ٹوئٹ کیا قوم کو ارطغرل اس لیے دکھایا جارہا تھا تاکہ عوام گاڑی کے بجائے گھوڑوں پر سفر کریں۔

Nahi to aap ke khayaal mai Ertugrul kyun dikhaya ja raha tha? Issi liye taakay awaam gaari ki bajaye ghorro pe safar karay 👌 #petrolprice

— Arsalan Naseer (@ArslanNaseerCBA) February 16, 2022

واضح رہے کہ حکومت نے حال ہی میں پیٹرول کی قیمت میں 12 روپے 3 پیسے کا اضافہ کیا ہے جس کے بعد پیٹرول کی قیمت بڑھ کر 159 روپے 86 پیسے ہوگئی ہے۔ حکومت کے اس اقدام پر وفاقی وزیر شبلی فراز نے انوکھی منطق پیش کرتے ہوئے کہا تھا پیٹرول مہنگا ہے تو کم استعمال کرنا چاہئے۔