فائرنگ سے جاں بحق صحافی اطہرمتین کے واقعے کی سی سی ٹی وی سامنے آگئی

صحافی اطہر متین کو فائرنگ کا نشانہ بنانے والے ملزمان کی سی سی ٹی وی فوٹیج منظر عام پر آگئی۔

ایکسپریس نیوز کے مطابق سینئر صحافی اطہر متین کو فائرنگ کا نشانہ بنانے والے ملزمان کی سی سی ٹی وی فوٹیج منظر عام پر آگئی ہے، ویڈیو میں واضح طور پر دیکھا جاسکتا ہے کہ ایک ملزم فائرنگ کرنے کے بعد پیدل چل رہا ہے، اور ایک ملزم بائیک لے کر بھاگ رہا ہے۔

فوٹیج میں دیکھا جاسکتا ہے کہ ایک ملزم نے ہیلمٹ اور ایک نے پی کیپ لگارکھی ہے۔ حکام کا کہنا ہے کہ جائے وقعہ کی مزید سی سی ٹی وی فٹیج سامنے آنے پر صورتحال واضع ہوسکتی ہے۔


اس خبرکوبھی پڑھیں: فائرنگ سے نجی ٹی وی کے صحافی جاں بحق

واضح رہے کہ کراچی کے علاقے نارتھ ناظم آباد فائیو اسٹار چورنگی کے قریب گاڑی پرفائرنگ سے نجی ٹی وی چینل کے صحافی اطہر متین جاں بحق ہوگئے تھے۔ ایس پی گلبرگ طاہر نورانی کا کہنا ہے کہ بائیک سوار دو لڑکوں نے انہیں روکنے کی کوشش کی، لیکن کار سوار نے گاڑی ان کی بائیک سے ٹکرادی۔ اطہر متین کی گاڑی سے ٹکر انے کے بعد بائیک سوار گرگئے، جس کے بعد بائیک سوار نے اٹھ کر پستول سے ایک فائر کیا جو مقتول کے سینے میں لگا۔ واقعے کے بعد بائیک سوار اپنی موٹر سائیکل چھوڑ کر دوسرے شہری سے بائیک چھین کرفرار ہوگئے۔