افغانستان میں انتظامیہ کی ساری کوششیں ناکام کنویں میں 3 روز سے پھنسا بچہ جاں بحق

زابل پولیس کے ترجمان ذبیح اللہ جوہر نے بتایا کہ ریسکیو ٹیم کو ایک نئی رکاوٹ کا سامنا کرنا پڑا—فوٹو: اے ایف پی

---

LOS ANGELES: افغانستان کے جنوب میں واقع ایک گاؤں میں کنویں میں تین روز سے پھنسا بچہ جاں بحق ہوگیا۔

الجزیرہ کی رپورٹ کے مطابق جنوب مغربی صوبہ زابل کے قحط زدہ گاؤں شوک کے ایک کنویں میں بجہ جا گرا تھا۔ امدادی کارکنوں نے واقعہ کے فوراً بعد بچے کو نکالنے کے لیے ہنگامی سرگرمیاں کا آغاز کردیا تھا۔

گزشتہ ورز تک حکام نے بتایا تھا کہ 5 سالہ حیدر اب بھی زندہ ہے لیکن بعدازاں انہوں نے اعلان کیا کہ حیدر جانبر بچ نہیں سکا۔

اس حوالے سے وزارت داخلہ کے سینئر مشیر انس حقانی نے سماجی روابط کی ویب سائٹ ٹوئٹر پر بچے کی موت کے حوالے سے کہا کہ '5 سالہ حیدر ہم سے ہمیشہ کے لیے جدا ہوگیا'۔

څومره در په در یې څومره ستړی یې
ژونده زه دې پیژنم نیمګړی یې

ته هم لکه ما غوندې غمجن ښکارې
ته هم ددې وران وطن وګړی یې #ټکور https://t.co/HhYwY70CRd

— Anas Haqqani(انس حقاني) (@AnasHaqqani313) February 18, 2022

اس سے قبل زابل پولیس کے ترجمان ذبیح اللہ جوہر نے بتایا کہ ریسکیو ٹیم کو ایک نئی رکاوٹ کا سامنا کرنا پڑا ہے اور ایک چٹان کی وجہ سے مزید کھودائی تقریباً ناممکن ہوگئی ہے۔

انہوں نے کہا کہ ہمیں خدشہ ہے کہ مزید کھودنے کی صورت میں بچے پر مٹی گر سکتی ہے اس لیے ہم احتیاط سے کام کر رہے ہیں۔