قیدیوں کی ٹک ٹاک ویڈیو بنانے والے ملزمان گرفتار

مدثر اور صدیق ملاقات کے بہانے بھی جیل میں قیدیوں کی ٹک ٹاک ویڈیوز بناتے تھے (فوٹو، ایکسپریس)

---

LONDON: صوبہ پنجاب کے دارالحکومت لاہور میں پولیس نے جیل اور قیدیوں کی گاڑی میں ملزموں کی ٹک ٹاک ویڈیوز بنانے والے 2 ٹک ٹاکرز کو گرفتار کرلیا۔

ایکسپریس نیوز کے مطابق لاہور میں گرفتار ٹک ٹاکرز خود ویڈیوز بناتے اور بعض اوقات پریزن وین(قیدیوں کی بس) یا جیل میں موجود ملزمان کو موبائل تھما کر ان سے بھی ویڈیوز بنواتے تھے۔

پولیس نے بتایا کہ ٹک ٹاکر مدثر اور صدیق ملاقات کے بہانے جیل میں قیدیوں کی ٹک ٹاک ویڈیوز ریکارڈ کیں، ملزمان نے چلتی بائیک پر پریزن وین میں قیدیوں کو موبائل دیکر بھی ویڈیوز بنوائیں۔

پولیس نے ملزمان کے خلاف مقدمہ درج کرکے تفتیش شروع کردی ہے۔