آبادی میں تیزی سے اضافہ اقتصادی ترقی کی راہ میں رکاوٹ ہے ڈاکٹرعارف علوی

صدر مملکت نے میڈیا پبلک سروس پیغامات کے ذریعے ملک میں آبادی کی تشویشناک شرح کے بارے میں بیداری پیدا کرنے پر زور دیا—فائل فوٹو

---

NEW YORK: صدر مملکت ڈاکٹر عارف علوی نے کہا کہ آبادی میں تیزی سے اضافے سے ملک کی سماجی و اقتصادی ترقی پر اثرات مرتب ہو رہے ہیں جس کے لیے لوگوں میں شعور بیدار کرنے کے لیے قومی سطح پر ایک وسیع البنیاد مہم چلانے کی ضرورت ہے۔

صدر مملکت ڈاکٹر عارف علوی نے آبادی میں تیز اضافے پر صحافیوں کے ساتھ فکری نشست میں کہا کہ میڈیا خاندانی منصوبہ بندی پر رائے عامہ ہموار کرنے، رویوں میں تبدیلی لانے میں اہم کردار ادا کر سکتا ہے اور اس کے لیے ٹیلی ویژن ٹاک شوز، ڈرامہ سیریلز میں آبادی کے مسئلے پر توجہ سود مند ثابت ہو سکتی ہے۔

صدر مملکت نے میڈیا پبلک سروس پیغامات کے ذریعے ملک میں آبادی کی تشویشناک شرح کے بارے میں بیداری پیدا کرنے پر زور دیا۔

صدر مملکت ڈاکٹر عارف علوی کی آبادی میں تیز اضافے پر میڈیا نمائندگان کے ساتھ فکری نشست

آبادی میں تیزی سے اضافے سے ملک کی سماجی و اقتصادی ترقی پر اثرات مرتب ہو رہے ہیں ، صدر مملکت

لوگوں میں شعور بیدار کرنے کے لیے قومی سطح پر ایک وسیع البنیاد مہم چلانے کی ضرورت ہے ، صدر مملکت pic.twitter.com/hF80P3bKMh

— The President of Pakistan (@PresOfPakistan) February 18, 2022

اس موقع پر مشیر برائے صحت ڈاکٹر فیصل نے کہا کہ آبادی میں بے ہنگم اضافہ قومی سلامتی کا مسئلہ اور آبادی میں اضافےسے نئی نسل کو تعلیم اور صحت کی سہولیات کی کمی کا سامنا کرنا پڑ سکتا ہے۔

ڈاکٹر فیصل نے کہا کہ رہنمائی کی کمی، مانع حمل مصنوعات کی عدم دستیابی کی وجہ سے پاکستان میں 40 لاکھ ان چاہے حمل ہوتے ہیں۔