معروف قوال زمان زکی تاجی انتقال کرگئے

زکی تاجی کی قوالیوں کے علاوہ نعتیہ کلام کو بھی لوگوں نے پسند کیا۔ (فوٹو فائل)

---

PARIS/ LONDON/PARIS: معروف قوال زمان زکی تاجی علالت کے باعث شہر کے نجی اسپتال میں انتقال کرگئے۔

اہل خانہ کے مطابق زمان زکی تاجی گزشتہ کئی روز سے کافی علیل تھے اور اُن کا نجی اسپتال میں علاج جاری تھا جہاں وہ آج دوران علاج انتقال کرگئے۔

زمان زکی تاجی کی نماز جنازہ بروز پیر بعد نماز ظہر معین الدین نیازی اسٹریٹ شو مارکیٹ کی مسجد الانہ میں ادا کی جائیگی جبکہ تدفین میوہ شاہ قبرستان میں ہوگی۔

زکی زمان تاجی کا گھرانہ شعبہ قوالی میں عرصہ دراز سے خدمات انجام دے رہا ہے،ان کے نعتیہ کلام ہمیں تو مست کیا کالی کملی والے نے کافی شہرت حاصل کی،ان کی دیگر قوالیوں میں اے حسین کے نانا، داتا نے جھولی بھردی،کفر کے اندھیروں میں،سبز گنبد پر رحمت کی گھٹا چھائی ہے،روزے دی جالی چھوم لین دے شامل ہیں۔