امیر گیلانی سے شادی پر ماورا نے خاموشی توڑ دی
مداحوں کی یہ بہت اچھی بات ہے کہ وہ مجھے اور امیر کو بہت پیار کرتے ہیں، ماورا
LONDON:
دی بِگ پِک نامی شو میں مدعو ماورا حسین نے اپنے آن اسکرین ساتھی اداکار امیر گیلانی سے شادی کی افواہوں کی مبہم تصدیق کردی۔
بہت سارے مداح ماورا اور امیر گیلانی کی شادی کی خواہش رکھتے ہیں کیونکہ دونوں آن اسکرین پر بھی بحیثیت ایک جوڑے کے اچھے لگتے ہیں۔
ماورا سے جب میزبان نے اس بارے میں سوال کیا تو انہوں نے شرماتے ہوئے جواب دیا کہ امیر بہت اچھے ہیں۔ جب اینکر نے اس موضوع پر انہیں اور کریدا تو انہوں نے کہا کہ مداحوں کی یہ بہت اچھی بات ہے کہ وہ مجھے اور امیر کو بہت پیار کرتے ہیں۔ ہم بہت اچھے دوست ہیں اور اگر مداح ہمیں اکٹھا دیکھنا پسند کرتے ہیں تو وہ یقیناً ہمارے آنے والے ڈرامے سے بھی لطف اندوز ہوں گے۔
ماورا نے شادی کے حوالے سے بات کو آگے بڑھاتے ہوئے کہا کہ میں ان تبصروں کو تعریف کے زمرے میں لیتی ہوں، امیر ایک زبردست انسان ہیں اور ہم دونوں بہت گہرے دوست ہیں اور اگر دو دوست آپس میں شادی کرنا چاہیں تو شادی بھی کرسکتے ہیں۔