فلم ’’گناہ ٹو‘‘ جلد مکمل کرلی جائے گی پرویز کلیم

فلم انڈسٹری کے معروف مصنف ڈائریکٹر پرویزکلیم نے کہا میں فلم انڈسٹری کا مستقبل تابناک دیکھ رہا ہوں اس وقت جب بہت سے لوگ فلم انڈسٹری کی خراب صورت حال کی وجہ سے مایوس ہوکر پس منظر میں چلے گئے تھے۔


میں اس امید کے ساتھ کام میں مصروف تھا کہ بہت جلد فلموں کا دور واپس آئے گا اچھی اور معیاری فلمیں ہماری فلمی صنعت کو ضرور کامیابی سے ہمکنار کریں گی اور آج فلم انڈسٹری کے اسی دور کا کامیابی سے سفر بہت اچھا لگ رہا ہے ۔

اس حوصلہ افزاء صورت حال کی وجہ سے فلموں میں سرمایہ کاری میں اضافہ ہوا ہے اور بہت سے لوگ فلمیں بنانے کی تیاریوں میں مصروف ہیں،یہ بات انھوں نے ایکسپریس سے بات چیت کرتے ہوئے کہی،انھوں نے کہا ہمیں اچھے موضوعات کا انتخاب کرتے ہوئے اس بات کو مد نظر رکھنا ہوگا کہ وہ ہمارے معاشرے کی کس حد تک عکاسی کرتی ہیں، ایک اچھی کہانی ہی فلم کی کامیابی میں اہم کردار ادا کرتی ہے، انھوں نے کہا میں ان دنوں اپنی نئی فلم ''گناہ ٹو'' کی تیاریوں میں مصروف ہوں ،اس فلم کی کہانی بہت اہم ہے جب کہ فلم کی موسیقی اور نغمات پر بھی خصوصی توجہ دی جائے گی۔