اے این ایف کی اسلام آباد اور جہلم میں مشترکہ کارروائی منشیات برآمد

جہلم کی تحصیل سوہاوہ بس اسٹاپ کے قریب تلاشی کے دوران گاڑی سے 7 کلوگرام چرس برآمد ہوئی ہے فوٹوفائل

---

ISLAMABAD: اے این ایف نے اسلام آباد اور جہلم میں مشترکہ کارروائی کے دوران بھاری مقدار میں منشیات برآمد کرلی۔

جہلم کی تحصیل سوہاوہ بس اسٹاپ کے قریب تلاشی کے دوران گاڑی سے 7 کلوگرام چرس برآمد ہوئی ہے۔ برآمد شدہ منشیات کی 4کلوگرام مقدارگرفتار ملزمہ کے ذاتی قبضے، جبکہ 3کلوگرام مقدار گاڑی کے خفیہ خانوں سے برآمد کی گئی۔

اے این ایف کے مطابق گاڑی میں سوار راولپنڈی کے رہائشی ثاقب علی، بہزاد حیدر اور لاہور کی رہائشی نسرین بی بی نامی 3ملزمان کو گرفتار کرلیا گیا۔ ملزمان کےخلاف انسداد منشیات ایکٹ کے تحت مقدمہ درج کر لیا گیا ہے اور مزید تفتیش جاری ہے۔



دوسری جانب اے این ایف نے اسلام آباد، دامن کوہ کے قریب محسن عالم نامی ملزم کو گرفتار کرلیا۔ ملزم کےقبضے سے 2.4 کلوگرام چرس برآمد ہوئی ہے۔ اے این ایف کے مطابق ملزم کے خلاف انسداد منشیات ایکٹ کے تحت مقدمہ درج کر لیا گیا ہے اور مزید تفتیش جاری ہے۔