انگلش بلےباز ایلکس ہیلز کی پی ایس ایل میں واپسی
ترجمان اسلام آباد یونائیٹڈ نے تصدیق کی ہے کہ ایچ بی ایل پی ایس ایل میں سخت بائیو سیکیور ببل کو جواز بناکر ٹورنامنٹ چھوڑ جانے والے ایلکس ہیلز پشاور زلمی کے خلاف دوسرے الیمنیٹر میچ میں ایک بار پھر ٹیم کو دستیاب ہونگے۔
ذرائع کے مطابق ہیلز کو قرنطینہ کرنے کی ضرورت نہیں کیونکہ ان کا بگ بیش لیگ میں کوویڈ ٹیسٹ پازیٹو آیا تھا اور رولز کے مطابق اگر 28 روز میں کوئی کھلاڑی کوویڈ کا شکار ہوکر آئسولیشن میں رہ چکا ہو تو اسے دوبارہ سے قرنطینہ کرنے کی ضرورت نہیں۔
ترجمان اسلام آباد یونائیٹڈ نے بھی واضح کیا ہے کی بگ بیش لیگ کے آخر میں ہیلز کا ٹیسٹ پازیٹو آچکا ہے لہذا اب وہ براہ راست میچ کھیلنے کے لیے دستیاب ہوں گے۔
Red Alert #HaleStorm returns!! @AlexHales1 is back in Pakistan and is available for the remaining Islamabad United matches. #HBLPSL7 #UnitedWeWin #RedHotSquad pic.twitter.com/P6Fz0Q2Ahk
- Islamabad United (@IsbUnited) February 23, 2022
اسلام آباد یونائیٹڈ اور پشاور زلمی کے درمیان ایلیمینٹر ون کا میچ بدھ کی شام ساڑھے 7 بجے کھیلا جائے گا۔ اس میچ میں کامیابی کی صورت میں اسلام آباد یونائیٹڈ 25 فروری کو ملتان اور لاہور کے میچ میں شکست کھانے والی ٹیم سے کھیلے گی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔