آرمی چیف سے یورپی یونین کے ایلچی برائے انسانی حقوق کی ملاقات

افغانستان میں انسانی صورتحال سمیت علاقائی سلامتی کی مجموعی معاملات پر تبادلہ خیال ہوا، آئی ایس پی آر

ویب ڈیسک February 23, 2022

آرمی چیف نے کہا کہ پاکستان یورپی یونین کے ساتھ اپنے تعلقات کو قدر کی نگاہ سے دیکھتا ہے—فوٹو: آئی ایس پی آر

چیف آف آرمی اسٹاف جنرل قمر جاوید باجوہ سے یورپی یونین (ای یو) کے خصوصی نمائندے برائے انسانی حقوق ایمون گلمور نے راولپنڈی جی ایچ کیو میں ملاقات کی جس میں باہمی دلچسپی کے امور سمیت افغانستان میں انسانی صورتحال پر تبادلہ خیال ہوا۔

پاک فوج کے شعبہ تعلقات عام (آئی ایس پی آر) کے مطابق ملاقات کے دوران باہمی دلچسپی کے امور، افغانستان میں انسانی صورتحال سمیت علاقائی سلامتی کی مجموعی معاملات اور یورپی یونین کے ساتھ دوطرفہ سفارتی تعلقات پر تبادلہ خیال کیا گیا۔

General Qamar Javed Bajwa, COAS is on an official visit to Belgium. During the visit, COAS called on Mr Stefano Sannino, Secretary General of the European External Action Service (EEAS) & General Claudio Graziano, Chairman of the EU Military Committee. (1/3) pic.twitter.com/UnBQt9yUr5
— DG ISPR (@OfficialDGISPR) February 17, 2022

آرمی چیف نے کہا کہ پاکستان یورپی یونین کے ساتھ اپنے تعلقات کو قدر کی نگاہ سے دیکھتا ہے اور مشترکہ مفاد کی بنیاد پر تعلقات کو بڑھانے کے لیے پرعزم ہے۔

ایمون گلمور نے خطے میں امن و استحکام کے لیے پاکستان کی مخلصانہ کوششوں کو سراہا اور ہر سطح پر سفارتی تعاون میں مزید بہتری کے لیے اپنا کردار ادا کرنے کے عزم کا اظہار کیا۔