روس کے سامنے ہتھیار نہیں ڈالیں گے یوکرینی صدر

روس کے عوام یوکرین پرحملے کیخلاف احتجاج کریں ، صدریوکرین

ویب ڈیسک February 24, 2022

اپنے ملک کے دفاع کے لئے تیارہیں اورہرممکن اقدام کریں گے،صدریوکرین:فوٹو:فائل

یوکرین کے صدر ولادیمیر زیلنسکی نے کہا ہے کہ روسی حملے کے بعد ہتھیار نہیں ڈالیں گے۔

یوکرین کے صدر ولادیمیر زیلنسکی نے قوم سے خطاب میں کہا کہ روسی اوریوکرین کے فوجیوں کے درمیان جھڑپیں جاری ہیں۔ ہتھیارنہیں ڈالیں گے۔

صدر زیلنسکی کا کہنا تھا کہ روسی حملے کے بعد ملک میں مارشل لا نافذ کردیا ہے،یوکرین روس سے سفارتی تعلقات منقطع کرنے کا اعلان کرتا ہے۔

انہوں نے کہا کہ امریکی صدرجوبائیڈن سے ٹیلی فونک رابطے میں تازہ ترین صورتحال سے متعلق بات کی ہے۔

اس سے قبل یوکرینی صدر کا بیان میں کہنا تھا کہ یوکرین میں فوجی کارروائی یورپ میں بڑی جنگ کا آغاز بن سکتی ہے۔ یوکرین اپنی سالمیت کا ہرقیمت پردفاع کرے گا۔

یوکرینی صدرنے روس کے شہریوں پرزور دیا کہ وہ اپنے صدرکی جانب سے فوجی کارروائی کیخلاف احتجاج کریں اوراسے مسترد کردیں ۔

صدر ولادیمیر زیلنسکی کا کہنا تھا کہ صدرپیوٹن یوکرین سے متعلق اپنے عوام سے جھوٹ بول رہے ہیں۔انہوں نے کہا کہ روس کے صدر سے متعدد باررابطہ کرنے کی کوشش کی لیکن جواب میں خاموشی رہی۔