تاریخی فتح میں کس کھلاڑی نے اہم کردار ادا کیا شاہین آفریدی نے بتادیا

NORTH WAZIRISTAN:
ایچ پی ایل پی ایس ایل کے فائنل تک رسائی حاصل کرنے والی ٹیم لاہور قلندرز کے کپتان شاہین شاہ آفریدی کا کہنا ہے کہ ڈیوڈ ویزے کی میچ میں جارحانہ بیٹنگ کی بدولت آج قلندرز کی ٹیم ایونٹ کے فائنل میں پہنچ چکی ہے۔

میچ کے اختتام پر لاہور قلندرز کے کپتان نے گفتگو کرتے ہوئے کہا کہ اسلام آباد یونائیٹڈ کیخلاف میچ کے آخری اوور میں ڈیوڈ ویزے کی جارحانہ بیٹنگ نے صورتحال ہمارے حق میں کردی تھی، کوشش ہوگی فائنل میں غلطیاں نہ دہرائیں۔

انہوں نے کہا کہ مجموعی طور پر آج لڑکوں نے بہترین کرکٹ کا مظاہرہ کیا جس کے باعث جیت یقینی ہوئی۔

لاہور قلندرز نے دوسرے ایلیمینٹر میں اسلام آباد یونائیٹڈ کو سنسنی خیز مقابلے میں 6 رنز سے شکست دیکر ایونٹ سے باہر کردیا تھا۔

اس موقع پر لاہور قلندرز کے مرد میدان اور میچ کے بہترین کھلاڑی ڈیوڈ ویزنے کہا کہ آج کے میچ میں بارش، شائقین کا جوش و خروش اور سنسنی خیز لمحات سمیت سب کچھ تھا۔

دوسری جانب قومی کرکٹ ٹیم کے سابق کپتان شاہد آفریدی نے ٹوئٹ کیا کہ آج کا مقابلہ پی ایس ایل کی تاریخ کے بہترین میچوں میں سے ایک تھا، لاہور قلندرز اور شاہین شاہ آفریدی کو جیت مبارک ہو!۔

واضح رہے کہ لاہور قلندرز پی ایس ایل تاریخ میں واحد ٹیم ہے جو ابھی تک ٹرافی اپنے نام کرنے سے قاصر رہی ہے۔