آسٹریلوی ٹیم 24 سال بعد سخت سیکیورٹی میں پاکستان پہنچ گئی

آسٹریلوی کرکٹ ٹیم خصوصی طیارے سے اسلام آبادپہنچی، ٹیم 2 روزتک بائیوسیکیورببل میں رہے گی

ویب ڈیسک February 27, 2022

آسٹریلوی کرکٹ ٹیم خصوصی طیارے سے اسلام آبادپہنچی، ٹیم 2 روزتک بائیوسیکیورببل میں رہے گی . فوٹو : سوشل میڈیا

PESHAWAR: آسٹریلیا کی کرکٹ ٹیم نے 24 سال بعد آج خصوصی طیارے کے ذریعے پاکستانی سرزمین پر قدم رکھ دیا۔

آسٹریلوی کرکٹ ٹیم کی 24سال بعد خصوصی طیارے سے اسلام آباد پہنچی، پاکستان کرکٹ بورڈ کے حکام نے مہمان ٹیم کا استقبال کیا۔

آسٹریلوی ٹیم 2 روزتک بائیوسیکیورببل میں رہے گی، کھلاڑیوں کے 2 روز بعد کورونا ٹیسٹ کیےجائیں گے جب کہ آسٹریلوی کرکٹرزکورونا ٹیسٹ منفی آنے پر پریکٹس کریں گے۔

آسٹریلیا کے کھلاڑیوں میں کپتان پیٹ کمنز، اسٹیو اسمتھ، مارنوس لبوشین، مچل اسٹارک ، مچل مارش، عثمان خواجہ، جوش ہیزل ووڈ، ناتھن لیون اور دیگر کھلاڑی شامل ہیں۔

Welcome @patcummins30
Great to have you and the Australian side here.#PAKvAUS #BoysAreReady 👊👊 pic.twitter.com/9odDz0p7E2
— Pakistan Cricket (@TheRealPCB) February 27, 2022