آواران سیکیورٹی فورسز کی کارروائی میں 5 افراد ہلاک

گن شپ ہیلی کاپٹروں سے شیلنگ، اندھادھند فائرنگ، 30 افراد کو گرفتار بھی کرلیا گیا۔ فوٹو پی پی آئی/فائل

---

بلوچستان کے زلزلے سے متاثرہ ضلع آواران کی تحصیل جھاؤ میں سیکیورٹی فورسز کی کارروائی کے دوران 5 افراد ہلاک اور 4 بچے زخمی ہوگئے جبکہ30 سے زائد افراد کو گرفتار کرلیا گیا۔

اطلاعات کے مطابق جھائو کے علاقے کھوڑو، ملائے گزی، چھبی، شش بیٹی اور گرد نواح کے علاقوں میں سیکیورٹی فورسز نے محاصرے میں لے کر کارروائی کی۔ مقامی ذرائع کے مطابق کارروائی کے دوران گن شپ ہیلی کاپٹر کے ذریعے شیلنگ اور اندھادھند فائرنگ کی گئی جس کے نتیجے میں 5افراد ہلاک ہوگئے۔