پاکستان میں خود کو محفوظ محسوس کر رہا ہوں آسٹریلوی کپتان

آسٹریلوی ٹیسٹ کرکٹ ٹیم کے کپتان پیٹ کمنز نے کہا ہے کہ پاکستان میں سکیورٹی انتظامات بہترین ہیں خود کو محفوظ محسوس کر رہا ہوں۔

پاکستان آمد پر ہوٹل میں ورچوئل پریس کانفرنس میں آسٹریلوی کپتان پیٹ کمنز نے کہا کہ پاکستان میں خود کو بہت محفوظ محسوس کر رہا ہوں، پاکستان میں سیکیورٹی انتظامات بہت اچھے ہیں، پی سی بی نے ہمارا بہت خیال رکھا، یہاں کے تمام لوگ بہت پروفیشنل ہیں۔


یہ بھی پڑھیں :آسٹریلوی ٹیم 24 سال بعد سخت سیکیورٹی میں پاکستان پہنچ گئی

انہوں نے کہا ہ بہت زیادہ سیکیورٹی کرکٹ سے توجہ نہیں ہٹائے گی، ہمیں معلوم ہے کہ ہم ہوٹل سے زیادہ باہر نہیں جا سکتے، بھارت کے دورے میں بھی زیادہ باہر نہیں جاتے اس لئے ہمیں اسکی عادت ہے۔

پیٹ کمنز نے کہا کہ کھلاڑیوں نے سامان میں تاش اور پلے اسٹیشن رکھے ہیں تاکہ وقت اچھا گزرے، ہم چوبیس سال بعد پہلے دورے سے لطف اندوز ہونا چاہتے ہیں۔