کراچی اور لاہور کے شائقین نے پی ایس ایل 7 کو چار چاند لگائے چیئرمین پی سی بی
پی ایس ایل 7 کا فائنل لاہور قلندرز اور ملتان سلطانز کے درمیان قذافی اسٹیڈیم میں شام ساڑھے 7 بجے کھیلا جائے گا
پاکستان کرکٹ بورڈ (پی سی بی) کے چیئرمین رمیز راجہ نے کہا ہے کہ پاکستان سپرلیگ سیزن 7 کامیاب رہا جس کو کراچی اور لاہور کے شائقین نے کامیاب بنایا۔
پی ایس ایل فائنل سے قبل اپنے ایک بیان میں رمیز راجہ نے کہا کہ میں پی ایس ایل کو کامیاب بنانے کے لیے تمام لوگوں کا شکریہ ادا کرتا ہوں۔ انہوں نے کہا کہ کراچی اور لاہور کے کراوڈ نے ایونٹ کو چار چاند لگائے۔
واضح رہے کہ پاکستان سپر لیگ 7 کا فائنل اب سے کچھ دیر بعد ملتان سلطانز اور لاہور قلندرز کے درمیان لاہور کے قذافی اسٹیڈیم میں کھیلا جائے گا۔ اس سے قبل دونوں ٹیمیں پی ایس ایل 7 میں 2 مرتبہ ایک دوسرے کے مدمقابل آچکی ہے ان مقابلوں میں ایک میچ لاہور قندرز اور دوسرے میں ملتان سلطانز نے فتح حاصل کی تھی۔