لاہور قلندرز پی ایس ایل 7 کا چیمپئن بن گیا

لاہور قلندرز نے ملتان سلطان کو 42 رنز سے شکست دے کر پہلی بار پی ایس ایل کا ٹائٹل اپنے نام کیا

ویب ڈیسک February 27, 2022

شاہین شاہ آفریدی کی قیادت میں لاہور قلندرز نے 7 سیزن میں پہلی بار میں پی ایس ایل کا ٹائٹل جیتا (فوٹو انٹرنیٹ)

پاکستان سپر لیگ(پی ایس ایل) سیزن 7 کے فائنل میچ میں لاہور قلندرز نے ملتان سلطان کو 42 رنز سے شکست دے کر پہلی بار پی ایس ایل کا ٹائٹل اپنے نام کرلیا۔

ایچ بی ایل پی ایس ایل 7 کے فائنل میں لاہور قلندرز کے کپتان شاہین شاہ آفریدی نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 5 وکٹوں کے نقصان پر 180 رنز بنائے اور ملتان سلطانز کو جیت کے لیے 181 رنز کا ہدف دیا، اننگز کے آخر پانچ اوورز میں ہیری بروک اور ڈیوڈ ویز نے دھواں دھار بیٹنگ کر کے اسکور بورڈ پر بڑا مجموعہ سجایا۔

ملتان سلطانز کی اننگز

ہدف کے تعاقب میں ملتان سلطانز کی اننگز کا آغاز مایوس کن رہا، شان مسعود 19 رنز بنا کر رن آؤٹ ہوئے اور کپتان محمد رضوان کو محمد حفیظ نے چلتا کیا، عامر عظمت 6 اور آصف آفریدی صرف ایک رن بنا کر پویلین لوٹ گئے، رلی روسو 15 رنز کے انفرادی اسکور پر حفیظ کی بال پر اسد شفیق کو کیچ دے بیٹھے، ٹم ڈیوڈ بھی 17 گیندوں پر 27 رنز بنا کر کیچ آؤٹ ہوئے۔ بعد ازاں سلطانز کے خوش دل شاہ 33 رنز اور ڈیوڈ ویلے بغیر کھاتہ کھولے کلین بولڈ ہوئے۔

"They cannot play him"#HBLPSL7 l #LevelHai l #MSvLQ I #HBLPSLFinal pic.twitter.com/9uk1T7Mdbf

- PakistanSuperLeague (@thePSLt20) February 27, 2022

اس کے بعد رومان رئیس اور عمران طاہر 138 کے مجموعی اسکور پر آؤٹ ہوکر پویلین لوٹے۔ 181 رنز ہدف کے تعاقب میں سلطانز کی ٹیم 19.3 اوورز میں 138 پر ڈھیر ہوگئی۔

🔥 SO TEZZZ 🔥#HBLPSL7 l #LevelHai l #MSvLQ I #HBLPSLFinal pic.twitter.com/JiZDlayain

- PakistanSuperLeague (@thePSLt20) February 27, 2022

ملتان کے خوش دل شاہ 32 اور ٹم ڈیوڈ 27 رنز بنا کر نمایاں بلے باز رہے جبکہ لاہور قلندرز کے شاہین شاہ آفریدی نے تین جبکہ محمد حفیظ اور زمان خان نے دو ، دو وکٹیں حاصل کیں، اسی طرح حارث رؤف اور ڈیوڈ ویزے کے حصے میں ایک ایک وکٹ آئی۔

لاہور قلندرز کی اننگز

لاہور قلندرز کا فائنل میچ میں ٹاس جیت کر آغاز اچھا نہ رہا، اوپنر فخر زمان صرف 3 رنز بنا کر آصف آفریدی کی بال پر آؤٹ ہوئے، لاہور کی پہلی وکٹ 12 رنز کے مجموعی اسکور پر گری، بعد ازاں ذیشان اشرف 7 رنز بنا کر چلتے بنے، عبداللہ شفیق 14 رنز بنا کر پویلین لوٹے، کامران غلام اور محمد حفیظ نے لڑکھڑاتی ٹیم کو سہارا دینے کی کوشش کی۔

بعد ازاں کامران غلام بھی 15 رنز بنا کر آصف آفریدی کا شکار بن گئے تاہم محمد حفیظ نے ذمے دارانہ اننگز کھیلی اور 46 گیندوں پر 69 رنز بنا کر نمایاں رہے۔ پہلی اننگز کے آخر میں ہیری بروک اور ڈیوڈ ویز نے جارحانہ بیٹنگ کی، ویز صرف 8 بولوں پر 28 جبکہ ہیری بروک 41 رنز بنا کر ناقابل شکست رہے۔

🚨 TOSS ALERT 🚨 @lahoreqalandars have won the toss and elected to bat first. The final game of #HBLPSL7 inches closer! #LevelHai l #HBLPSLFinal l #MSvLQ pic.twitter.com/3apXGe0TN7

- PakistanSuperLeague (@thePSLt20) February 27, 2022

اس طرح مقررہ 20 اوورز میں لاہور قلندرز نے 5 وکٹوں کے نقصان پر 180 رنز بنائے اور ملتان سلطانز کو جیت کے لیے 181 رنز کا ہدف دیا۔

ملتان سلطانز کے آصف آفریدی نے 3 جبکہ ڈیوڈ ویلے اور شاہ نواز داہانی نے ایک ایک کھلاڑی کو آؤٹ کیا۔

Professor comes to the aid of Qalandars ⛑️

Mohammad Hafeez registers his 43rd T20 fifty at a crucial time 👏

📺 WATCH HD Live Stream ➡️ https://t.co/Y8s0plKF8H #HBLPSL #JubileeLife #Insurance #PSL7 #HBLPSL7 #FantasyTeamBanao #LQvMS #PSLFinal #LevelHai #MSvLQ pic.twitter.com/xECEIhBF1o

- CricWick (@CricWick) February 27, 2022

ایچ بی ایل پی ایس ایل 7 کے فائنل میں لاہور قلندرز اور ملتان سلطانز دونوں ٹیموں نے ایک ایک تبدیلی کی تھی۔ قلندرز نے فل سالٹ کی جگہ ذیشان اشرف کو شامل کیا جبکہ سلطانز کے لیے جانسن چارلس کی جگہ ٹم ڈیوڈ کھلایا تھا۔

اسکواڈ ملتان سلطانز

محمد رضوان(کپتان)، شان مسعود، عامر عظمت، ریلی روسو، ٹم ڈیوڈ، خوشدل شاہ، ڈیوڈ ویلے، آصف آفریدی، رومان رئیس، عمران طاہر، شاہ نواز داہانی

اسکواڈ لاہور قلندرز

شاہین شاہ آفریدی(کپتان)، فخر زمان، عبداللہ شفیق، کامران غلام، محمد حفیظ، ہیری بروک، ذیشان اشرف، سمت پٹیل، ڈیوڈ ویئس، حارث رؤف، زمان خان