اپوزیشن پیٹرول اور بجلی کی قیمتیں کم ہونے پر سیخ پا ہے فواد چوہدری

اپوزیشن کو اصل دکھ اگلی باری نہ ملنے کا ہے، وزیراطلاعات ۔ فوٹو:فائل

---

وزیر اطلاعات فواد چوہدری کا کہنا ہے کہ حیران کن طور پر اپوزیشن والے پیٹرول اور بجلی کی قیمتیں کم ہونے پر سیخ پا ہیں۔

سماجی رابطے کی ویب سائٹ ٹویٹر پر اپنی ٹویٹ میں وزیر اطلاعات فواد چوہدری کا کہنا تھا کہ حیران کن بات ہے کہ اپوزیشن اور ان کے میڈیا میں ہمنوا پٹرول اور بجلی کی قیمتیں کم ہونے پر سیخ پا ہیں۔

حیران کن بات ہے کہ اپوزیشن اور ان کے میڈیا میں ہمنوا پٹرول اور بجلی کی قیمتیں کم ہونے پر سیخ پاء ہیں، عالمی منڈی میں قیمتوں میں اضافے کے باوجود پاکستان میں مہنگائ نیچے جا رہی ہے یہ ہمارے لئے اطمینان کا باعث ہونا چاہئیے نہ کہ پریشانی کا، اپوزیشن کو اصل دکھ اگلی باری نہ ملنے کا ہے

— Ch Fawad Hussain (@fawadchaudhry) March 2, 2022

فواد چوہدری کا کہنا تھا کہ عالمی منڈی میں قیمتوں میں اضافے کے باوجود پاکستان میں مہنگائی نیچے جارہی ہے یہ ہمارے لئے پریشانی کے بجائے اطمینان کا باعث ہونا چاہیے، لیکن اپوزیشن کو اصل دکھ اگلی باری نہ ملنے کا ہے۔