MIAMI: مرکزی رویت ہلال کمیٹی نے اعلان کیا ہے کہ پاکستان میں شعبان المعظم کا چاند نظر نہیں آیا۔

مرکزی رویت ہلال کمیٹی کا اجلاس وزارت مذہبی امور اسلام آباد میں منعقد ہوا جب کہ زونل کمیٹیوں کے اجلاس پشاور، لاہور، کراچی اور کوئٹہ میں ہوئے، ملک کے بیشتر علاقوں میں مطلع ابر آلود رہنے کے باعث ملک میں کسی جگہ سے چاند نظر آنے کی شہادت موصول نہیں ہوئی۔

وزارت کی جانب سے جاری اعلامیے کے مطابق پاکستان میں شعبان المعّظم کا چاند نظر نہیں آیا جس کے بعد پاکستان میں یکم شعبان 5 مارچ (بروز ہفتہ) جبکہ شب برأت 19 مارچ کو منائی جائے گی۔