آسٹریلوی ٹیم پہلی اننگز میں 459 رنز پر آؤٹ ہوگئی فوٹو : پی سی بی ٹویٹر
راولپنڈی ٹیسٹ کی دوسری اننگز میں اوپنرز امام الحق اور عبداللہ شفیق سنچریاں بناکر نمایاں رہے۔ پاکستان نے دوسری اننگز میں بغیر نقصان 252رنز بنائے۔ امام الحق 136اور عبدللہ شفیق 111رنز بنا کر ناٹ آؤٹ رہے۔ امام الحق نے پہلی اننگز میں 157 رنز بنائے تھے۔
پاکستان نے پہلی اننگز 476 رنز پر ڈکلیئر کردی تھی، جس کے جواب میں آسٹریلیا کی ٹیم پہلی اننگز میں 459رنز پر آؤٹ ہوئی۔ آج کھیل کے اختتام تک دوسری اننگز میں پاکستان نے بغیر نقصان کے 252 رنز بنائے۔ دوسرا ٹیسٹ میچ 12مارچ سے نیشنل اسٹیڈیم کراچی میں ہوگا۔
پانچواں روز
T E A ☕️
— Pakistan Cricket (@TheRealPCB) March 8, 2022
🇵🇰 191-0
Lead by 208 runs@imabd28 99*@ImamUlHaq12 89*#BoysReadyHain l #PAKvAUS pic.twitter.com/601z7qJNZU
ٹیسٹ کے آخری روز آسٹریلیا نے 449 رنز 7 وکٹوں پر بقیہ اننگز کا آغاز کیا تاہم مہمان ٹیم محض 10 رنز کا اضافہ کرکے 459 رنز پر پویلین لوٹ گئی۔ آسٹریلوی اوپنر عثمان خواجہ 97رنز بنا کر نمایاں رہے۔
پاکستان کی جانب سے اسپنر نعمان علی نے سب سے زیادہ 6وکٹیں حاصل کیں۔ شاھین شاہ آفریدی نے دو جبکہ ساجد خان اور نسیم شاہ نے ایک ایک کھلاڑی کو آؤٹ کیا۔
It’s a wrap! Nauman Ali lands a career-best milestone. #BoysReadyHain l #PAKvAUS pic.twitter.com/59gMNBCgJd
— Pakistan Cricket (@TheRealPCB) March 8, 2022
چوتھا روز
راولپنڈی میں بارش و کم روشنی کے باعث چوتھے دن کا کھیل محض 67 اوورز تک محدود رہا تھا۔ رات گئے مسلسل بارش سے گراؤنڈ گیلا ہونے کے باعث چوتھے روز کا کھیل صبح وقت پر شروع نہیں ہوسکا تھا۔
ایمپائرز نے صبح گراؤنڈ کا معائنہ کیا اور دوپہر ایک بجے کھیل شروع کرنے کا فیصلہ کیا جبکہ روشنی بہتر ہونے پر آدھے گھنٹے کا اضافی وقت دیا جائے گا۔
کھیل کے چوتھے روز آسٹریلیا کی ٹیم نے اپنی پہلی نامکمل اننگز کا آغاز 271 رنز 2 کھلاڑی آؤٹ سے کیا تھا۔ مارنوس لبوشین 90 رنز بناکر شاہین آفریدی کا شکار بنے جبکہ اسٹیو اسمتھ 78 رنز بناسکے تھے۔ دن کے اختتام کے قریب پاکستانی بالرز نے جارحانہ کھیل کا مظاہرہ کیا اور 3 وکٹیں جلد لے اڑے۔ کیمرون گرین 48، ٹرویس ہیڈ 8، ایلکس کیری 19 رنز بناکر آؤٹ ہوئے۔
کپتان پیٹ کمنز اور مچل اسٹارک باالترتیب 12 اور 4 رنز کے ساتھ وکٹ پر موجود ہیں، پاکستان کی جانب سے نعمان علی نے 4، ساجد خان، نسیم شاہ اور شاہین شاہ آفریدی نے ایک ایک وکٹ حاصل کی۔
T E A ☕️
— Pakistan Cricket (@TheRealPCB) March 7, 2022
🇦🇺 364-4
Trail by 112 runs@stevesmith49 61*
Green 18
🇵🇰 476-4d#BoysReadyHain l #PAKvAUS pic.twitter.com/0XgtKTYxJe
تیسرا روز
گزشتہ روز راولپنڈی ٹیسٹ کے تیسرے روز کا کھیل خراب روشنی اور بارش کی وجہ سے روک دیا گیا تھا جب کہ آسٹریلیا نے 2 وکٹ کے نقصان پر 271 رنز بنائے۔
راولپنڈی کرکٹ اسٹیڈیم میں کھیلے جارہے ٹیسٹ میچ کے تیسرے روز عثمان خواجہ اور ڈیوڈ وارنر نے اننگز کا آغاز کیا اور کھانے کے وقفے تک بغیر کسی نقصان پر 138 رنز بنالئے۔
L U N C H
— Pakistan Cricket (@TheRealPCB) March 6, 2022
🇦🇺 138-0
Trail by 338 runs@Uz_Khawaja 70*@davidwarner31 60*
🇵🇰 476-4d#BoysReadyHain l #PAKvAUS pic.twitter.com/60Jdl35ypd
جس کے بعد ڈیوڈ وارنر ساجد خان کے ہاتھوں 68 رنز بنانے کے بعد آؤٹ ہوگئے جب کہ عثمان خواجہ بھی 97 رنز بنانے کے بعد نعمان علی کی گیند پر امام الحق کا شکار بنے۔ دونوں نے 165 رنز کی شراکت داری قائم کی۔
https://twitter.com/TheRealPCB/status/1500383942943428610?s=20&t=mGVOQlQFndrb7tzOvNfhPQ
Great catch, great review. 😱
— Pakistan Cricket (@TheRealPCB) March 6, 2022
Khawaja heads back on 97! #BoysReadyHain l #PAKvAUS pic.twitter.com/w1XSQgge4I
آسٹریلیا کے کھلاڑی مارنوس لبوشین اور اسٹیو اسمتھ نے اسکور کو آگے بڑھایا اور مجموعی 271 رنز بنالئے تاہم خراب روشنی اور بارش کے باعث میچ روک دیا گیا۔ مارنوس لبوشین 69 اور اسٹیو اسمتھ 24 رنز بنا کر ناٹ آوٹ رہے۔
⚠️ Play stopped due to bad light#BoysReadyHain l #PAKvAUS pic.twitter.com/Ly7O1ZRpwE
— Pakistan Cricket (@TheRealPCB) March 6, 2022
گزشتہ روز کنگروز کی پہلی اننگز میں بیٹنگ جاری تھی اور بغیر کسی نقصان 5 رنز بنالیے تھے تاہم خراب روشنی کی وجہ سے کھیل ختم کردیا گیا۔
دوسرے روز
پنڈی ٹیسٹ کے دوسرے روز کھیل کا آغاز ہوا تو پاکستان نے 1 وکٹ کے نقصان پر 245 بنارکھے تھے۔ پاکستانی بلے بازوں کی آسٹریلیا کے خلاف شاندار بلے بازی کا سلسلہ آج بھی جاری رکھا، سابق کپتان اظہر علی نے 15 چوکوں اور 3 چھکوں کی مدد سے 185 رنز کی اننگز کھیلی۔
پاکستان کی دوسری وکٹ 313 رنز پر گرگئی اور اوپنر امام الحق 157 رنز بناکر پیٹ کمنز کی گیند پر ایل بی ڈبلیو ہوگئے۔ اظہر علی اور امام الحق نے 208 رنز کی شراکت داری کی۔
پاکستان نے چائے کے وقفہ تک 2 وکٹوں پر 394 رنز بنائے۔ وقفے کے بعد کپتان بابر اعظم 36 رنز بناکر رن آؤٹ ہوئے۔ پاکستان نے پہلی اننگز 4 وکٹوں پر 476 رنز بنا کر ڈیکلیئر کردی۔ نتھن لائن ، پیٹ کمنز اور مارنوس لابو شین نے ایک ایک وکٹ لی۔
Beautifully done by @AzharAli_ 👏🏼 #BoysReadyHain l #PAKvAUS pic.twitter.com/F7q0Gwb0v0
— Pakistan Cricket (@TheRealPCB) March 5, 2022
اپاکستان ٹیم میں تین کھلاڑیوں کی واپسی ہوگئی ہے۔ حارث رؤف کورونا رپورٹ منفی آنے پر جبکہ فہیم اشرف اور حسن علی بھی تین دن قرنطینہ مکمل کرکے ٹیم میں شامل ہوگئے۔
پہلا روز
قومی ٹیم نے پہلے روز 1 وکٹ کے نقصان پر 245 رنز بنائے۔ راولپنڈی کرکٹ اسٹیڈیم میں آسٹریلیا کیخلاف پہلے ٹیسٹ میچ میں پاکستان کے کپتان بابراعظم نے ٹاس جیت کر پہلے بیٹنگ کرنے کا فیصلہ کیا۔
اوپنر امام الحق اور عبداللہ شفیق نے عمدہ کھیل کا مظاہرہ کرتے ہوئے 105 رنز کی پارٹنرشپ قائم کی تاہم کھانے وقفے سے ایک اوور قبل نتھین لائن نے پیٹ کمنز کے ہاتھوں عبداللہ شفیق کو 44 کے انفرادی اسکور پر پویلین بھیج دیا۔
اوپنر امام الحق نے شاندار بلےبازی کا سلسلہ جاری رکھا اور کیرئیر کی پہلی ٹیسٹ سنچری اسکور کی، وہ 15 چوکوں اور 2 چھکوں کی مدد سے 132 رنز بناکر ناٹ آؤٹ رہے جبکہ اظہر علی نے انکا بھرپور ساتھ دیا اور 64 رنز بنائے۔
آسٹریلیا کی جانب سے واحد وکٹ نتھین لائن نے حاصل کی۔ اس سے قبل ٹاس جیت کر پاکستان کے کپتان بابر اعظم کا کہنا تھا کہ وکٹ دیکھنے میں بہت اچھی لگ رہی ہے اور اسکور بورڈ پر بڑا ٹوٹل سجانے کی کوشش کریں گے، وکٹ آخری دنوں میں اسپینرز کے لیے سازگار ہوسکتی ہے۔
واضح رہے کہ آسٹریلیا کی ٹیم 24 سال بعد پاکستان کے تاریخی دورے پر ہے۔ پاکستان اورآسٹریلیا کے درمیان 3میچز پر مشتمل ٹیسٹ سیریز کا پہلا میچ 4 سے 8 مارچ تک راولپنڈی میں کھیلا جائے گا۔ آسٹریلین ٹیم دورہ پاکستان کے دوران 3 ٹیسٹ، 3 ون ڈے اور ایک ٹی 20 میچ کھیلے گی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔