اپوزیشن ہر بار عوام کے خلاف ہی کھڑی ہوتی ہے فواد چوہدری

اپوزیشن فری بوکس میں بیٹھ کر پاک آسٹریلیا میچ دیکھے اور لائحہ عمل بھی طے کریں، فواد چوہدری

ویب ڈیسک March 04, 2022

اپوزیشن فری بوکس میں بیٹھ کر پاک آسٹریلیا میچ دیکھے اور لائحہ عمل بھی طے کریں، فواد چوہدری (فوٹو : فائل)

کراچی: وفاقی وزیر اطلاعات فواد چوہدری کا کہنا ہے کہ اپوزیشن ہر دفعہ عوام کے خلاف ہی کھڑی ہوتی ہے۔

راولپنڈی کرکٹ اسٹیڈیم میں گورنر سندھ عمران اسماعیل کے ہمراہ میڈیا سے بات کرتے ہوئے وفاقی وزیر فواد چوہدری کا کہنا تھا کہ اپوزیشن ہر دفعہ عوام کے خلاف ہی کھڑی ہوتی ہے، اپوزیشن کو کہوں گا ایک فری بوکس دے دوں گا اس میں بیٹھ کر میچ دیکھیں اور لائحہ عمل بھی طے کریں۔

وفاقی وزیر کا کہنا تھا کہ ہمیں بھارت اور پاکستان کی اسپورٹس کو آگے بڑھانا چاہیے، بھارت کے ساتھ لوگوں کا رابطہ باحال ہونا چاہیے،پاکستان بھارت کرکٹ کو بھی بحال ہونا چاہیے۔

چوبیس سال بعد پاکستان اور آسٹریلیا کا پہلا ٹاکرا آج راولپنڈی میں بابر آعظم اور ٹیم پاکستان آپ کی کامیابی کیلئے دعاگو ہے شکریہ آسٹریلیا آپ نے یہ مارچ ہمارےلئےخوبصورت بنایا پاکستان آپ کیلئے چشم براہ تھا،آسٹریلیا کے ہائ کمیشن کا شکریہ جنہوں نے اس ایونٹ کو ممکن بنانےکیلئے بہت محنت کی
— Ch Fawad Hussain (@fawadchaudhry) March 4, 2022

اس سے قبل سماجی رابطے کی ویب سائٹ ٹویٹر پر اپنی ٹویٹ میں فواد چوہدری کا کہنا تھا کہ 24 سال کے بعد پاکستان اور آسٹریلیا کا پہلا ٹاکرا آج راولپنڈی میں شروع ہورہا ہے، آسٹریلیا آپ کا شکریہ آپ نے یہ مارچ ہمارے لئےخوبصورت بنایا، پاکستان آپ کیلئے چشم براہ تھا،آسٹریلیا کے ہائ کمیشن کا شکریہ جنہوں نے اس ایونٹ کو ممکن بنانےکیلئے بہت محنت کی۔ وفاقی وزیر نے پاکستانی ٹیم کی کامیابی کے لئے دعائیہ کلمات بھی تحریر کئے۔