24سال بعدپاکستان آنے والی آسٹریلیا کی ٹیم کا خیرمقدم کرتا ہوں وزیراعظم

سب دونوں ٹیموں کے درمیان دلچسپ اورمقابلے سے بھرپورسیریزکے منتظرہیں، عمران خان

ویب ڈیسک March 04, 2022

وزیراعظم عمران خان نے دونوں ٹیموں کے لئے نیک خواہشات کا اظہارکیا:فوٹو:فائل

RAWALPINDI: وزیراعظم عمران خان 24 سال بعد پاکستان کا دورہ کرنے والی آسٹریلیا کی کرکٹ ٹیم کا خیرمقدم کیا ہے۔

وزیراعظم عمران خان نے ٹویٹ میں کہا کہ 24 سال کے وقفے کے بعد پاکستان آنے والی آسٹریلیا کی کرکٹ ٹیم کوخوش آمدید کہتا ہوں۔

وزیراعظم کا کہنا تھا کہ پاکستان میں کرکٹ کے مداح ہمیشہ سے آسٹریلیا کی کرکٹ ٹیم سے محبت اوراس کا احترام کرتے ہیں۔ہم سب دلچسپ اورمقابلے سے بھرپورسیریز کے منتظرہیں۔

I welcome the Australian cricket team to Pakistan after an absence of 24 yrs. Pakistan's cricket lovers have always had great respect & admiration for Australian cricket & we are all looking forward to a highly competitive & interesting series. Good luck to both teams.
— Imran Khan (@ImranKhanPTI) March 4, 2022

وزیراعظم نے پاکستان اورآسٹریلیا کی ٹیموں کے لئے نیک خواہشات کا اظہاربھی کیا۔

دوسری جانب وزیراعظم عمران خان نے آسٹریلیا کے لیجنڈری وکٹ کیپرراڈنی مارش کے انتقال پرافسوس کا اظہارکرتے ہوئے کہا کہ راڈنی مارش صرف اچھے کرکٹرہی نہیں تھے بلکہ ایسی شخصیت تھےجن کا احترام نہ صرف دونوں ٹیمیں بلکہ مخالفین بھی تھے۔