پشاور مسجد میں خودکش حملے کی سی سی ٹی وی فوٹیج سامنے آگئی

حملہ آور گلی سے پیدل چلتے ہوئے مسجد کے دروازے تک آیا۔

---

ANKARA: پشاور میں قصہ خوانی بازار کی مسجد میں نماز جمعہ کے دوران خودکش حملے کی سی سی ٹی وی فوٹیج سامنے آگئی۔

ویڈیو میں دیکھا جاسکتا ہے کہ سیاہ شلوار قمیض میں ملبوس کلین شیو حملہ آور گلی سے پیدل چلتے ہوئے مسجد کے دروازے تک آیا۔ اس نے نائن ایم ایم پستول نکال کر پولیس اہلکار پر فائرنگ کی، پھر وہ فائرنگ کرتے ہوئے مسجد میں داخل ہوا اور اندر جا کر بھی فائرنگ کی، جس کے بعد اس نے دھماکے سے خود کو اڑالیا۔

یہ بھی پڑھیں: پشاور قصہ خوانی بازار کی مسجد میں نماز جمعہ کے دوران خودکش حملہ، 30 نمازی شہید

آئی جی خیبرپختونخوا نے کہا ہے کہ کوچہ رسالدار واقعے میں ایک خودکش حملہ آور تھا، اس نے شناخت چھپانے کے لئے شلوار قمیض پہنی ہوئی تھی، حملے میں ملوث گروپ کے بارے میں کچھ نشاندہی ہوئی ہے، سی ٹی ڈی اس حوالے سے کام کر رہی ہے، واقعے میں پانچ کلو گرام بارود ، ڈیڑھ سو بال بیرنگز استعمال ہوئے۔

واضح رہے کہ جامع مسجد میں نماز جمعہ کے دوران خودکش حملے میں ایک پولیس اہلکار سمیت 30 نمازی شہید اور متعدد زخمی ہوگئے ہیں۔