عامر لیاقت تیسری بیوی دانیہ شاہ کے ساتھ رمضان ٹرانسمیشن کریں گے

میں دانیہ شاہ کو شوبز میں لے کر آؤں گا، عامر لیاقت حسین فوٹوسوشل میڈیا

---

TOKYO: پاکستان تحریک انصاف کے رہنما، قومی اسمبلی کے رکن اور میزبان عامر لیاقت حسین نے رواں سال اپنی تیسری بیوی دانیہ شاہ کے ہمراہ رمضان ٹرانسمیشن کرنے کا اعلان کیا ہے۔

مقبول فیشن میگزین نے گزشتہ روز اپنے انسٹاگرام اکاؤنٹ پر ایک پوسٹ کے ذریعے بتایا کہ عامر لیاقت حسین اپنی نئی بیوی سیدہ دانیہ شاہ کے ہمراہ رمضان ٹرانسمیشن میں نظر آئیں گے۔

میگزین کی اس پوسٹ کو عامر لیاقت حسین نے اپنے انسٹاگرام اکاؤنٹ پر شیئر کرواکر اس خبر کی تصدیق کی۔

یہ بھی پڑھیں: عامر لیاقت حسین نے 18 سالہ لڑکی سے تیسری شادی کرلی

خیال رہے کہ کچھ روز قبل عامر لیاقت نے اسی میگزین کو انٹرویو دیتے ہوئے اپنی تیسری بیوی دانیہ شاہ کے شوبز میں آنے سے متعلق کہا تھا کہ میں دانیہ کو شوبز میں لے کر آؤں گا۔

انہوں نے کہا تھا میں پہلے بھی اپنی بیوی (طوبیٰ انور) کو ساتھ لے کر آیا تھا اور انہیں شوبز میں متعارف کروایا تھا۔ میں دانیہ کو بھی رمضان ٹرانسمیشن میں اپنے ساتھ لے کر آؤں گا۔

یہ بھی پڑھیں: طوبیٰ اگر واپس آنا چاہیں تو کوئی اعتراض نہیں میں انہیں بہن سمجھوں گی، دانیہ شاہ

واضح رہے کہ عامر لیاقت حسین نے گزشتہ ماہ 10 فروری کو 18 سالہ ٹک ٹاکر دانیہ شاہ کے ساتھ تیسری شادی کرنے کا اعلان کیا تھا۔ عامر لیاقت نے یہ اعلان اپنی دوسری بیوی طوبیٰ انور کے خلع لینے کی تصدیق کے محض ایک دن بعد کیا تھا۔