بس کے کنڈیکٹر کا مسافر خاتون پر تشدد پولیس نے صرف جرمانہ کرکے چھوڑ دیا

بس کنڈیکٹر کو خاتون سے بدتمیزی سے پیش آنے اور ہاتھ اٹھانے پر ایکشن لیتے ہوئے جرمانہ عائد کیا گیا ۔ فوٹو : فائل

---

کراچی میں بس کے کنڈیکٹر نے مسافر خاتون پر تشدد کیا جب کہ پولیس نے صرف جرمانہ کرکے چھوڑ دیا۔

کراچی میں بس کے کنڈیکٹر کی خاتون سے بدسلوکی کی فوٹیج منظر عام پر آگئی جس میں دیکھا گیا کہ ایک بس کے کنڈیکٹر نے خاتون سے بدتمیزی کی اور بے رحمی سے تھپڑ مارے۔

انتہائی افسوسناک واقعہ، بس میں سفر کرنے والی غریب خاتون کے چہرے پر تھپڑ مارننے اور رسوا کرنے والے اس ذلیل کنڈیکٹر کو کراچی پولیس فوری طور ہر اس گھٹیا شخص کو گرفتار کرے ، اس کو ایسی سزا دی جائے کہ آج کے بعد اس کے ہوش ٹھکانے آجائیں، #Need #Sofware #Update @PoliceMediaCell pic.twitter.com/6xnie9Rb8d

— Nazir Shah (@SsyedHhussain) March 4, 2022

 

واقعے پر ایڈیشنل آئی جی کراچی نے نوٹس لیتے ہوئے فوری کارروائی کا حکم دیا، ایس ایس پی ٹریفک ویسٹ نے ایڈیشنل آئی جی کراچی کے احکامات پر عمل کرواتے ہوئے ٹریفک ویسٹ کے افسران و ملازمان کو کاروائی کا حکم دیا۔

ایس او شیرشاہ معین الدین شیخ اور آر کے شیراز احمدنے ہمراہ اسٹاف کے بس نمبر PE-5943 کے خلاف کارروائی کرتے ہوئے ایکشن لیا۔

بس کنڈیکٹر کو خاتون سے بدتمیزی سے پیش آنے اور ہاتھ اٹھانے پر ایکشن لیتے ہوئے جرمانہ عائد کیا گیا، مزید قانونی کارروائی جاری ہے۔ ایس ایس پی ٹریفک ویسٹ کراچی نورالحق رندنےایس او آر کے شیرشاہ کو کارروائی کرنے پر انعامی سرٹیفکیٹ دینے کا اعلان کیا۔