ڈرون کیمرے سے زخمی آصفہ بھٹو نے تصاویرسوشل میڈیا پر شیئرکردیں

آصفہ بھٹوزرداری عوامی مارچ کے دوران میڈیا کا ڈرون لگنے سے زخمی ہوگئی تھیں:فوٹو:سوشل میڈیا

---

ISLAMABAD: پاکستان پیپلزپارٹی کے عوامی مارچ میں میڈیا کے ڈرون کیمرے سے زخمی ہونے والی آصفہ بھٹو زرداری نے اپنی تصاویر سوشل میڈیا پرشیئرکردیں۔

سابق وزیراعظم بینظیربھٹو کی چھوٹی بیٹی آصفہ بھٹوزرداری نے سوشل میڈیا پراپنی تصاویرشیئرکرتے ہوئے طبی امداد فراہم کرنے والوں کا شکریہ ادا کیا۔

آصفہ بھٹوزرداری کا ٹویٹ میں کہنا تھا کہ 1122 اسٹیشن خانیوال کے طبی عملے، مس زنیرہ اورمسٹربابرکی جانب سے بروقت طبی امداد فراہم کرنے پران کی شکرگزارہوں۔

Would like to thank everyone for the outpouring of love & prayers❤️Deeply indebted to the paramedics at 1122 station Khaniwal,Ms Zunaira & Mr Baber for their stellar & immediate first aid. Would also like to thank the local police for rushing me to Mukhtar Sheikh Hospital Multan pic.twitter.com/jgASWW2Tf4

— Aseefa B Zardari (@AseefaBZ) March 5, 2022

آصفہ بھٹوزرداری کا مزید کہنا تھا کہ ڈرون لگنے کے بعد فوری طورپراسپتال پہنچانے کے لئے مقامی پولیس کا بھی شکریہ ادا کرتی ہوں۔

آصفہ بھٹوزرداری پیپلزپارٹی کے عوامی مارچ کے دوران میڈیا کا ڈرون کیمرا لگنے سے زخمی ہوگئیں تھیں۔