وزیر اعظم کا یورپی یونین کونسل سے یوکرین تنازع پرتشویش کا اظہار

وزیر اعظم عمران خان نے کہا کہ میں نے انسانی امداد کی اہمیت پر زور دیا—فائل فوٹو

---

کراچی: وزیر اعظم عمران خان نے یورپی یونین کونسل کے صدر سے روس اور یوکرین فوجی تنازع پر تشویش کا اظہار کیا ہے۔

عمران خان نے سماجی روابط کی ویب سائٹ ٹوئٹر کیا کہ آج یورپی یونین کونسل کے صدر سے یوکرین کی صورتحال کے بارے میں تبادلہ خیال ہوا اور میں نے ترقی پذیر ممالک پر ماسکو کیف فوجی تنازع کے منفی اقتصادی اثرات کو اجاگر کیا۔

Earlier today I spoke with EU Council President @CharlesMichel about the Ukraine situation. Shared concern over continued military conflict, highlighted its adverse economic impact on developing countries, stressed urgent need for ceasefire & de-escalation.

— Imran Khan (@ImranKhanPTI) March 7, 2022

انہوں نے کہا کہ روس اور یوکرین فوجی تنازع پر تشویش کا اظہار کیا، میں جنگ بندی اور تناؤ میں کمی کی فوری ضرورت پر زور دیا۔

وزیر اعظم عمران خان نے کہا کہ میں نے انسانی امداد کی اہمیت پر زور دیا، بات چیت اور سفارت کاری کے ذریعے حل کی اپیل کا اعادہ کیا۔

انہوں نے مزید کہا کہ ہم نے اتفاق کیا کہ پاکستان جیسے ممالک اس کوشش میں سہولت کار کا کردار ادا کر سکتے ہیں، مشترکہ مقاصد کو فروغ دینے کے لیے قریبی مصروفیت کا منتظر ہوں۔