سوشل میڈیا پر کپل شرما شو کے بائیکاٹ کا مطالبہ

فلمساز کے دعووں نے سوشل میڈیا صارفین کومشتعل کردیا فوٹوفائل

---

بھارتی سوشل میڈیا پر صارفین کامیڈین کپل شرما شو کے بائیکاٹ کا مطالبہ کررہے ہیں۔

لوگوں کو ہنسانے والے کامیڈین کپل شرما اکثر مختلف تنازعات کی وجہ سے خبروں کی زینت بن جاتے ہیں۔ حال ہی میں کپل شرما ایک اور تنازع کا شکار ہوگئے جس کے بعد لوگ ان کے شو کے بائیکاٹ کا مطالبہ کررہے ہیں۔

بھارتی میڈیا کے مطابق ہدایت کار ویویک اگنی ہوتری نے ایک ٹوئٹ کے ذریعے بتایا ہے کہ کپل شرما شو کی انتظامیہ نے اپنے شو پر ان کی ٹیم کو بلانے سے انکار کردیا ہے کیونکہ ان کی فلم میں بڑے کمرشل اداکار شامل نہیں ہیں۔

فلمساز کے ان دعووں نے سوشل میڈیا صارفین کومشتعل کردیا جس کے بعد لوگ کپل شرما شو کے بائیکاٹ کا مطالبہ کررہے ہیں۔ یہاں تک کہ ''بائیکاٹ کپل شرما شو'' بھارتی ٹوئٹر پر ٹرینڈ کررہا ہے۔

ایک صارف نے کپل شرما کو بولی ووڈ کا سرکس ماسٹر قرار دیتے ہوئے کہا کہ وہ اپنے شو میں پیسے بنانے کے لیے غریب لوگوں کی بےعزتی اور توہین کرتے ہیں۔ کوئی مہذب معاشرہ اس دوہرے معیار کی اجازت نہیں دے گا۔

لتا نامی صارف نے ''بائیکاٹ کپل شرماشو'' کا مطالبہ کرتے ہوئے کہا میں نے پہلے بھی کہا تھا کہ اس شو میں دیکھنے لائق کچھ بھی نہیں۔ مزید صارفین نے بھی کپل شرما شو کے بارے میں کہا کہ ان کے شو میں لوگوں کے بارے میں صرف توہین آمیز تبصرے کیے جاتے ہیں۔

Boycott Kapil Sharma show.
Anyways... i have said earlier also... this show is worth nothing. https://t.co/PwdaNbOlmT

— Indian🇮🇳🚩(Modi Ka Pariwar) (@veernetaji) March 7, 2022

واضح رہے یہ پہلی بار نہیں ہے جب کپل شرما اور ان کے شو پر اتنی زیادہ تنقید ہوئی ہو بلکہ اس سے قبل کامیڈین سنیل گروور کے ساتھ بھی کپل شرما کا تنازع بہت زیادہ مشہور ہوا تھا۔