ہتک عزت کیس لاہور ہائیکورٹ میشا شفیع کی درخواست پر کل فیصلہ سنائے گی

ہائیکورٹ گلوکارہ میشا شفیع سمیت دیگر کی درخواستوں پر فیصلہ کل سنائے گی۔

جسٹس طارق سلیم شیخ درخواستوں پر محفوظ کیا گیا فیصلہ سنائیں گئے۔ میشا شفیع سمیت دیگر نے اپنے خلاف درج ایف آئی اے کے مقدمے کو چیلنج کررکھا ہے۔


درخواست میں موقف اختیار کیا گیا تھا کہ ایف آئی اے نے علی ظفر کی درخواست پر حقائق کے برعکس مقدمہ درج کیا، ایف آئی اے نے ملزمان کا موقف لیے بغیر مقدمہ درج کیا۔ درخواست میں استدعا کی گئی تھی کہ عدالت ایف آئی اے کی جانب سے درج مقدمہ خارج کرنے کا حکم دے۔

واضح رہے کہ عدالت نے وکلاء کے دلائل مکمل ہونے کے بعد فیصلہ محفوظ کیا تھا۔