راولپنڈی ٹیسٹ کی وکٹ کھیل اورفینزکیساتھ زیادتی تھیعاقب جاوید

بابر اعظم کو آسٹریلیا کے خلاف حارحانہ حکمت عملی کے ساتھ میدان میں اترنا چاہیے،عاقب جاوید

Sports Reporter March 09, 2022

کراچی اورلاہورمیں ایسی پچزبنائی جائیں جواپسنرز کومدد دے سکیں،عاقب جاوید:فوٹو:فایل

سابق کرکٹر عاقب جاوید نے کہا ہے کہ راولپنڈی ٹیسٹ کی وکٹ کھیل اورفینز کے ساتھ زیادتی تھی۔سابق کرکٹرعاقب جاوید نے کراچی اورلاہورمیں ایسی پچز بنانے کا مطالبہ کیا جس پراسپنرز کومدد مل سکے۔

عاقب جاوید کا کہنا تھا کہ اب وہ زمانہ چلاگیا کہ آپ 5 دن ٹیسٹ میچ دیکھتے رہیں اوراس کا نتیجہ نہ نکلے۔ ہوم سیریز کا مقصد اپنی کنڈیشنز میں کھیل کر ایڈوانٹیج حاصل کرنا ہوتا ہے۔

عاقب جاوید کا مزید کہنا تھا کہ کپتان بابر اعظم کو آسٹریلیا کے خلاف حارحانہ حکمت عملی کے ساتھ میدان میں اترنا چاہیے۔ انہیں ایسی پچز تیار کرنےپر زور ڈالنا چاہیے جس پر میچ کا فیصلہ پاکستان کے حق میں ائے۔ پاکستان کے پاس اپنی کنڈیشنز میں بہترین پرفارمنس دینے والے اسپنرز موجود ہیں۔

انہوں نے کہا کہ آسٹریلیا کے پاس سوائے ایک اسپنر نیتھن کے اور خاص بولر نہیں ہے راولپنڈی ٹیسٹ ختم ہوچکا اب کراچی اور لاہور میں ٹرننگ وکٹ بناکر اسپنرز کی مدد سے دونوں ٹیسٹ میں اچھی پرفارمنس دےکر سیریز جیتں۔

لاہور قلندرز کے ڈائریکٹر آپریشنز اور ہیڈکوچ کا موقف ہے کہ پی ایس ایل نے جتننا فینز کو کرکٹ کے ساتھ جوڑا ہے اس کے بعد اس طرح کی پچز بنانا کھیل کے ساتھ زیادتی ہے۔

عاقب جاوید کے مطابق آسٹریلیا کے آنے سے دنیا پر یہ ثابت کرنے میں کامیاب ہوئےہیں کہ پاکستان میں انٹرنیشنل کرکٹ بحال ہوچکی ہے اور پاکستان ایک محفوظ اور پرامن ملک ہے۔آسٹریلوی ٹیم کا یہاں آنا ہر حوالے سے مثبت قدم ہے۔

شاہین شاہ آفریدی کو مسلسل کرکٹ کھلانے کے سوال پر عاقب جاوید نے کہا کہ ابھی وہ صرف 21 سال کے ہیں۔ اس عمر میں ہر فاسٹ بولریہ ہی چاہتاہےکہ وہ ہر میچ کھیلے شاہین کو ابھی مسلسل کرکٹ کھیلنے سے کوئی مسئلہ نہیں ہے۔ وہ اس وقت کھیل کو بھرپور طریقے سے انجوائے کررہے ہیں۔ انگلینڈ کے اینڈرسن اور اسٹیورٹ براڈ کی طرح کس طرح شاہین شاہ آفریدی سے لمبے عرصے تک فائدہ اٹھایاجاسکتاہے۔