پاکستان اور انسانیت کے لیے کام کرنا صرف وزیراعظم کی ذمہ داری نہیں شاہد آفریدی

ہم سب کو مل کر پاکستان اور انسانیت کے لیے کام کرنا ہے، سابق کپتان

ویب ڈیسک March 10, 2022

ہم سب کو یہ نظر آتا ہے کہ وزیراعظم وہ تھا تو کام اُس کی ذمہ داری تھی، آفریدی (فوٹو اسکرین گریپ)

قومی کرکٹ ٹیم کے سابق کپتان اور آل راؤنڈر شاہد آفریدی نے کہا ہے کہ پاکستان کے لیے کام کرنے کی ذمہ داری صرف وزیراعظم کی نہیں بلکہ ملک اور انسانیت کے لیے ہم سب کو مل کر کام کرنا ہے۔

کراچی میں شاہد آفریدی فاؤنڈیشن کے 8 سال مکمل ہونے پر تقریب سے خطاب کرتے ہوئے شاہد آفریدی نے نوجوانوں کو نصیحت کی کہ وہ اپنی تعلیم پر توجہ دیں اور اصل تعلیم ایک دوسرے کا خیال رکھنا اور محبت کرنا ہے۔

Cricketer @SAfridiOfficial's message to youth. pic.twitter.com/QLN9GEmCdF

- Farid Ahmed (Qureshi) (@FaridQureshi_UK) March 10, 2022

شاہد آفریدی نے نوجوانوں کو مخاطب کرتے ہوئے کہا کہ 'آپ کے اوپر بڑی ذمہ داری عائد ہوتی ہے، ہم سب کو یہ نظر آتا ہے کہ وزیراعظم وہ تھا تو کام اُس کی ذمہ داری تھی، یہ بالکل غلط تاثر ہے، میں پاکستانی ہوں مجھے کام کرنا ہے اور ہم سب کو مل کر پاکستان کے لیے کام کرنا ہے'۔

Together celebrating 8 years of #SAF! Thank you for helping us reach this milestone through your continuous support for our mission of #HopeNotOut! Our efforts have pivoted on Health Education, Water, Emergency Relief & Sports. It is due to your help that we have gotten this far! pic.twitter.com/BIcNxwYTMS

- Shahid Afridi (@SAfridiOfficial) March 10, 2022