کراچی فلم انڈسٹری کو ’’کولی ووڈ‘‘کانام دینے میں حرج نہیںسنگیتا
ہمارا مقصدصرف پاکستان کی فلم انڈسٹری کی بحالی ہے اسے سیاست سے نہ جوڑا جائے
معروف اداکارہ و ہدایتکارہ سنگیتا نے کہا کہ کراچی میں بہت تیزی سے فلمی سرگرمیاں شروع ہوچکی ہیں ۔
جو اس بات کا ثبوت ہے کہ ایک بار پھر کراچی فلم انڈسٹری کا مضبوط مرکز بن جائے گا، کراچی کی فلم انڈسٹری کو کولی ووڈ کانام دنیے میں کوئی حرج نہیں بالی ووڈ اور لولی وڈ کی طرحٖ کراچی کو کولی ووڈ کی حیثت سے پرموٹ کیا جائے تو یہ بھی فلم انڈسٹری کے لیے اچھا فیصلہ ہو گا ، کراچی میں بننے والی فلموں کو شناخت ملے گی۔
انھوں نے کہا وہ جلد کراچی میں فلم شروع کریں گی جس کی تیاریاں جاری ہیں ہمارا مقصد صرف پاکستان کی فلم انڈسٹری کی بحالی ہے اسے کسی سیاست سے نہ جوڑا جائے،یہ بات انھوں نے اپنے ایک انٹرویو میں کہی،انھوں نے کہا خوشی کی بات ہے کہا ان دنوں کراچی میں ایک درجن سے زائد فلمین بن رہی ہیں جو آنے والے دنوں میں فلم انڈسٹری کی ترقی میں اہم کردار ادا کریں گی۔