پاکستانی فلموں میں کام سے انکار نہیں کیاسارہ لورین

پاکستان میں فلموں میں کام کرنے سے انکار نہیں کیا کوئی بھی اچھا کردار ملا تو ضرور کام کروں گی۔ فوٹو: فائل

---

پاکستانی ٹی وی ڈراموں اور ماڈلنگ سے شہرت حاصل کرنے والی اداکارہ مونا لیزا (سارہ لورین) ان دنوں ہماچل پردیش میں زیر تکمیل فلم ''برکھا'' کی شوٹنگ میں مصروف ہیں ۔

اپنے ایک انٹرویو میں انھوں نے کہا گجراے اور مڈر تھری کی کامیابی کے بعد مجھے بولی ووڈ میں پزیرائی ملی ہے میں نے محنت اور لگن سے کام کرکے بالی ووڈ میں جگہ بنائی ہے میری کوشش ہے کہ ایسی فلموں میں کام کروں جس میں میرا کردار جاندار ہو۔نئی فلم'' برکھا'' ایک لواسٹوری فلم ہے جس میں میرا کردار عمدہ ہے اس فلم کی موسیقی امجد ندیم نے ترتیب دی ہے،انھوں نے کہا کہ بولی ووڈ میں کامیابی حاصل کرنا میری بڑی کامیابی ہے میں مستقبل میں بھی ایسی ہی کارکردگی چاہتی ہوں جس سے میرا کیرئیر مضبوط ہو۔ پاکستان میں فلموں میں کام کرنے سے انکار نہیں کیا کوئی بھی اچھا کردار ملا تو ضرور کام کروں گی۔سارہ لورین نے کہا پاکستان میں فلم انڈسٹری کی بحالی کے بعد اب اچھی اور معیاری فلمیں بن رہی ہیں جو بہت خوش آئند ہے۔