یوکرین تنازع جوہری جنگ میں تبدیل ہونے کا امکان نہیں روس

جوہری جنگ سے متعلق بات مغربی ممالک نے شروع کی،روسی وزیرخارجہ

ویب ڈیسک March 11, 2022

روس آئندہ مغربی ممالک پرانحصارنہیں کرنا چاہتا،روسی وزیرخارجہ:فوٹو:فائل

روس کے وزیرخارجہ لاروف نے کہا ہے کہ یوکرین تنازع کا جوہری جنگ میں تبدیل ہونے کا کوئی امکان نہیں۔

برطانوی خبرایجنسی کے مطابق روسی وزیرخارجہ سرگئی لاروف نے بیان میں کہا کہ انہیں نہیں لگتا کہ یوکرین کا تنازع جوہری جنگ میں تبدیل ہوسکتا ہے۔

روسی وزیرخارجہ کا مزید کہنا تھا کہ جوہری جنگ سے متعلق بات مغربی ممالک نے شروع کی۔یوکرین تنازع کا رخ جوہری جنگ کی طرف ہونے کا امکان نظرنہیں آتا ہے۔ روس آئندہ کبھی کبھی مغربی ممالک پر انحصار نہیں کرنا چاہتا۔

سرد جنگ کے بعد روس اور امریکا کے پاس سب سے زیادہ جوہری ہتھیار ہیں۔ یوکرین پرحملے کے بعد روس کے صدر ولادی میرپوٹن نے 27 فروری کو روسی فوج کے جوہری تنصیبات سے متعلق یونٹ (نیوکلیئر فورس) کو ہائی الرٹ رہنے کا حکم دیا تھا۔روس کی جانب سے جوہری یونٹ کوالرٹ کرنے پرمغربی ممالک نے روسی جوہری حملے کا خدشہ ظاہرکیا تھا۔